अमेरिकामा एकाविहानै ५ दशमलव ७ रेक्टर स्केलको भूकम्प

Best Khabar Team | २०७६ चैत्र ५ गते बुधबार

१८ मार्च, २०२०
टेक्सास । अमेरिकाको युटाह् (Utah) राज्यमा आज बिहान ठूलो भूकम्प गएको छ । स्थानीय समय अनुसार विहान ७ बजेको समयमा भूकम्प गएको हो । भूकम्पको ५ दशमलव ७ रेक्टर स्केलको भएको बताइएको छ ।

युटाह् राज्यको साल्ट लेक सिटी बाहिर केन्द्रबिन्दु रहेको सो भूकम्प सन् १९९२ पछिकै सबैभन्दा ठूलो भूकम्प भएको यहाँको भूगर्भ विभाग जनाएको छ । भूकपको धक्का आपपासका अन्य केही राज्यहरुमा समेत महशुस गरिएको छ ।

बिहान अधिकांश मानिसहरु ओछ्यानमै रहेका बेला भूकम्प गएपछि स्थानीय बासिन्दाहरु त्रसित बनेका छन् । कोरोनाको प्रकोपबाट घर बाहिर निस्कन रोक लगाइएकै बेला भूकम्प गएपछि मानिसहरु समस्यामा परेका छन् । भूकम्पबाट यो समाचार तयार पार्दासम्म कुनै मानवीय क्षति भएको रिपोर्ट प्राप्त भै सकेको छैन । भूकम्प पछि सानातिना पराकम्पनहरु निरन्तर रुपमा गै रहेका छन् ।