Best Khabar Team | २०२६ पुष १७ गते बिहिबार
१७ जनवरी, २०२१
नयाँदिल्ली । भारतमा आज जनवरी १७ तारिखका दिनदेखि आम नागरिकमा कोरोना विरुद्धको खोप लगाउने अभियान शुरु भएको छ । भारत सरकारले हालै आम नागरिकलाई खोप लगाउनका लागि कोरोनाका खोप उत्पादक कम्पनीहरुलाई अनुमति दिएसँगै आजबाट भारतले औपचारिक रुपमा कोरोनाविरुद्धको भ्याक्सिन लगाउन शुरु गरेको हो । पहिलो चरणमा भारतमा ३० करोड मानिसमा यो खोप लगाईने भारतीय स्वास्थ्य मन्त्रालयले जारी गरेको विज्ञप्तिमा उल्लेख छ ।
पहिलो चरणमा ३ करोडलाई खोप लगाईने र त्यसपछि क्रमश बाँकी नागरिकलाई खोप लगाउने अधिकारीहरुले बताएका छन् । आगामी जुन महिनासम्म भारतले ३० करोड जनासंख्यामा कोरोना भ्याक्सिन लगाउने महत्वकांक्षी योजना अघि सारेको छ । भारतमा सिरम इन्स्टिच्युट अफ इन्डियाले तयार पारेको कोभिसिल्ड र भारत बायोटेकले भारतीय आर्युविज्ञान अनुसन्धान परिषद् (आईसीएमआर) सँगको सहकार्यमा निर्माण गरेको कोभ्याक्सिन खोपलाई तत्कालका लगि लगाउन अनुमति प्रदान गरिएको छ ।
अक्सफोर्ड र अस्ट्राजेनेकासँग मिलेर सिरम इन्स्टिच्युटले कोभिसिल्ड भ्याक्सिन तयार पारेको थियो । भारतीय प्रधानमन्त्री नरेन्द्र मोदीको उपस्थितिमा आज पहिलो पटक भारतमा शुरु गरिएको कोरोना विरुद्धको भ्याक्सिन अल इन्डिया इन्स्टिच्युट अफ मेडिकल साइन्समा कार्यरत एकजना सफाइ कर्मचारीबाट आम नागरिकमा लगाउन शुरु गरिएको हो ।
भारतले पहिलो चरणमा अग्रमोर्चामा खटिएका स्वास्थ्यकर्मी, चिकित्सक, सुरक्षाकर्मीलगायतलाई खोप लगाउने योजना बनाएको छ । त्यसपछि ६५ वर्ष उमेर पुगेका तथा दीर्घ रोग लागेकाहरुलाई खोप लगाउने तयारी भारतले गरेको छ । भारतीय प्रधानमन्त्री मोदीले यो अभियानले भारतलाई कोरोना मुक्त बनाउनका लागि ठूलो भूमिका खेल्ने जनाएका छन् ।
२०७७ बैशाख २३ गते मंगलबार
०५ मे, २०२०खजुरा, नेपालगञ्ज । बाँकेमा तेश्रोपटक पनि एकै...
२०२६ पुष १७ गते बिहिबार
१७ जुलाई, २०२०काठमाडौं । पछिल्लो २४ घण्टायता काठमाडौं उपत्यकाभित्र...
२०७७ कार्तिक २१ गते शुक्रबार
११ जुन, २०२०टुनिस, ट्युनिसिया । अफ्रिकी मुलुक ट्युनिसियाबाट अबैध...
२०७७ जेठ २९ गते बिहिबार
०६ नोभेम्बर, २०२०काठमाडौं । भूकम्पले घर भत्काएका वा क्षति...
Top