युरोपका थप तीन देशका नागरिकलाई त्रिभवुन विमानस्थलमा तत्काल भिषा दिन रोक लगाईयो

Best Khabar Team | २०७६ फाल्गुन २६ गते सोमबार

०९ मार्च, २०२०
काठमाडौं । सरकारले कोरोनाको कारण विश्वभर भएको संक्रमणलाई मध्यनजर गर्दै कोरोना प्रभावित युरोपेली मुलुक अन्र्तगत थप तीन देशका नागरिकलाई विमानस्थलमा दिईने अनअराईभल भिषा तत्कालका लागि रोकेको जनाएको छ । पछिलो समयमा कोरोनाबाट युरोपमा इटलीपछि सबैभन्दा बढी प्रभावित फ्रान्स, जर्मनी र स्पेनका नागरिकलाई भिषा उपलब्ध नगराउने निर्णय गरेको हो । यसअघि सरकारले इटलीलगायत विश्वका ५ देशका नागरिकलाई भिषा तत्काल उपलब्ध नगराउने निर्णय गरेको थियो ।

यसअघि सरकारले चीन, हङकङ, इरान, इटाली, कोरिया र जापानका नागरिकलाई त्रिभुवन विमानस्थलमा प्रदान गरिने अराइभल भिसामा नदिने निर्णय गरेको थियो । यो नियम मंगलबाट लागू हुने बताइएको छ । यी देशबाट नागरिकहरु आउँदा सो देशमा रहेको कोरोनाको जोखिम पनि नेपाल आउने हुनाले तत्कालका लागि ती नागरिकलाई विमानस्थलमा भिषा उपलब्ध नगराईने अध्यागमन विभागले जनाएको छ ।

सरकारको यो निर्णयसँगै नेपालको पर्यटन बजारमा ठूलो खडेरी लाग्ने निश्चित छ ।