पछिल्लो २४ घण्टाको कोरोना तथ्यांक : २९०९ जना नयाँ संक्रमित थपिए, १८ को मृत्य, ४५ सय बढी कोरोना मुक्त

Best Khabar Team | २०७७ कार्तिक २१ गते शुक्रबार

०६ नोभेम्बर, २०२०
काठमाडौं । पछिल्लो २४ घण्टामा देशका विभिन्न भागमा थप २ हजार ९ सय ९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार काठमाडौं उपत्यकामा थप १ हजार ३ सय ३८ जनासहित देशका विभिन्न जिल्लामा थप २ हजार ९ सय ९ जनामा कोरोना संक्रमण देखिएको हो ।

संक्रमण पुष्टि भएका मध्ये पछिल्लो २४ घण्टामा थप १८ जनाको ज्यान गएको छ । मन्त्रालयले दिएको जानकारी अनुसार आज थपिएकामा १ हजार ७ सय ७६ जना पुरुष र १ हजार १ सय ३३ जना महिला रहेका छन् ।

यस अवधिमा थप ४ हजार ५ सय जना कोरोना मुक्त भएर घर फर्केका छन् । यस्तै देशभर कोरोना संक्रमितको संख्या १ लाख ८८ हजार ८ सय ८३ पुगेको मन्त्रालयले जनाएको छ । यो तथ्यांकमा कोरोना संक्रमणमा परी मृत्यु भएकाहरुको संख्यासमेत समावेश गरिएको छ ।

पछिल्ला दिनहरुमा काठमाडौं उपत्यकालगायत देशका विभिन्न स्थानमा कोरोना संक्रमितको संख्या बढ्न थालेको छ ।