रोकियो स्ववियु चुनाव

Best Khabar Team | २०२६ पुष १७ गते बिहिबार

१८ फेब्रुअरी, २०२०
काठमाडौं । ३ वर्षपछि हुन लागेको स्वतन्त्र विद्यार्थी युनियन (स्ववियु)को चुनाव अनिश्चितकालका लागि स्थगित भएको छ आगामी फागुन १४ गतेका लागि तय भएको स्ववियु निर्वाचन त्रिभुवन विश्वविद्यालयले विशेष कारणबस स्थगित गर्नुपरेको जनाएको छ ।

त्रिविले आज एक विज्ञप्ति निकालेर फागुन १४ का लागि तय गरिएको स्ववियु निर्वाचन तत्कालका लागि स्थगित गर्नुपरको जनाएको हो । विश्वविद्यालयले जारी गरेको विज्ञप्तिमा आफू मातहतका सम्पूर्ण क्याम्पसहरुलाई स्ववियु निर्वाचन तत्कालका लागि स्थगित गर्नका लागि परिपत्र समेत गरिएको उल्लेख छ ।

हाल त्रिभुवव विश्वविद्यालयमा रेक्टर पद रिक्त रहेका कारण तत्कालका लागि चुनाव स्थगित भएको हुनसक्ने आशंका गरिएपनि बास्तविक कारण भने खुल्न सकेको छैन । यसअघि विक्रम सम्बत २०७३ सालमा स्ववियुको निर्वाचन भएको थियो ।

हरेक दुई दुई वर्षमा स्ववियुको निर्वाचन हुनुपर्ने भएपनि विभिन्न कारणले निर्धारित मितिमा स्ववियुको निर्वाचन हुन सकिरहेको छैन ।

Comment from facebook