विश्वमा पहिलो पटक बाघमा कोरोना : अमेरिकामा चिडियाखानाको ४ वटा बाघमा कोरोना संक्रमण

Best Khabar Team | २०७७ जेठ २२ गते बिहिबार


०६ मार्च, २०२०
न्यूर्योक । विश्वमा पहिलो पटक बाघमा कोरोना (कोभिड १९) को संक्रमण देखिएको छ । यहाँस्थित एउटा सदर चिडियाखानामा रहेको जंगली बाघमा पहिलो पटक कोरोनाको संक्रमण देखिएको हो । बीसीसीका अनुसार न्यूर्योकको ब्रोनक्स जु (चिडियाखाना) मा रहेको एउटा पोथी बाघमा कोरोनाको संक्रमण देखिएको छ । यो नै विश्वमै पहिलोपटक बाघमा देखिएको कोरोनाको संक्रमण भएको बन्यजन्तुहरुको क्षेत्रमा काम गर्ने संघसंस्थाका प्रतिनिधिले दाबी गरेका छन् । यसअघि चीनमा बिरालोमा कोरोनाको संक्रमण देखिएको पुष्टि भएको थियो ।

चिडियाखानामा रहकी एक बघिनी विरामी परेपछि परिक्षणका क्रममा कोरोनाको संक्रमण भेटिएको पुष्टि भएको अमेरिकी अधिकारीहरुले जनाएका छन् । न्यूर्योकको आयोवास्थित राष्ट्रिय भेटरिनरी प्रयोगशालाका अनुसार कोरोनाको संक्रमणबाट एक बघिनीसहित अरु ३ वटा बाघ समेत विरामी परेका छन् । सो चिडियाखानामा बन्जयन्तुको स्याहार सुसारमा खटिएका एकजना व्यक्तिमा कोरोनाको संक्रमण देखिएको र उनैका कारण बाघहरुमा समेत कोरोना संक्रमण भएको हुनसक्ने अनुमान अधिकारीहरुले गरेका छन् ।

यद्यपि कोरोना संक्रमित बाघ तथा बघिनीहरुको अवस्था सामान्य रहेको छ । बाघहरुमा खानामा अरुची तथा अल्छीपन देखिएपछि पशुचिकित्सकहरुले परिक्षण अघि बढाएका थिए । ल्याब परीक्षणका क्रममा बाघहरुमा कोरोना संक्रमण पुष्टि भएको बताइएको छ । कोरोनाको संक्रमण भेटिएपछि ती बाघहरुलाई छुट्टै राखेर उपचार थालिएको छ । यस्तै, बाघ तथा बघिनीहरुमा कोरोनाको संक्रमण देखिएपछि अन्य जनावरलाई भने छुट्टै ठाउँमा सुरक्षित राखिएको छ ।



Comment from facebook



थप खबर पढ्नुहोस्
सञ्चारमन्त्रीको कार्यकक्षमा अख्तियारको छापा, कागजपत्र सिलबन्दी सञ्चारमन्त्रीको कार्यकक्षमा अख्तियारको छापा, कागजपत्र सिलबन्दी

२०२६ पुष १७ गते बिहिबार

२० फेब्रुअरी, २०२० काठमाडौं । अख्तियार दुरुपयोग अनुसन्धान आयोगले...

पाल्पा दुर्घटनामा ज्यान गुमाउने १० जनाको सनाखत, १६ जना घाइतेको उपचार हुँदै पाल्पा दुर्घटनामा ज्यान गुमाउने १० जनाको सनाखत, १६ जना घाइतेको उपचार हुँदै

२०२६ पुष १७ गते बिहिबार

१३, फेब्रुअरी, २०२४तानसेन, पाल्पा । पाल्पामा आज दिउँसो भएको...

कास्कीमा बैशाख मसान्तसम्म निषेधाज्ञा जारी : दैनिक उपभोग्य सामग्रीको पसल बिहान ९ बजेसम्म मात्रै खोल्न पाइने कास्कीमा बैशाख मसान्तसम्म निषेधाज्ञा जारी : दैनिक उपभोग्य सामग्रीको पसल बिहान ९ बजेसम्म मात्रै खोल्न पाइने

२०७७ माघ २३ गते शुक्रबार

०२ मे, २०२१लेकसाईड (पोखरा), कास्की । पछिल्ला दिनमा जिल्लाका...

उत्तरी छिमेकी मुलुक चीनका राष्ट्रप्रमुख केहीबेरमा नेपाल आउँदै उत्तरी छिमेकी मुलुक चीनका राष्ट्रप्रमुख केहीबेरमा नेपाल आउँदै

२०७६ मंशिर २४ गते मंगलबार

१२ अक्टोबर, २०१९ काठमाडौं । नेपालको उत्तरी छिमेकी मुलुक...

Top