सप्तरीमा अज्ञात समूहले राखेको एम्बुसमा परी ४ प्रहरी घाइते

Best Khabar Team | २०७४ श्रावण २२ गते आइतबार

०६ अगस्ट, २०१७
काठमाडौं । अज्ञात समूहले प्रहरी सवार गाडीलाई लक्षित गरी राखेको बम विस्फोट हुँदा सप्तरीमा ४ जना प्रहरी घाइते भएका छन् । गएराति भएको सो घटनामा जिल्लाको सुरुंगा नगरपालिका वडा नम्बर ५ श्रीपुरमा भएको थियो ।

स्थानीय क्षेत्रमा गस्तिमा निस्किएको प्रहरीको भ्यान सोही नगरपालिकाको वडा नम्बर ५ को श्रीपुर नजिकै एम्बुसमा परेको हो । सो घटनामा परी प्रहरी निरीक्षक राजेन्द्र यादवसहित ४ जना प्रहरी घाइते भएका छन् ।

घाइतेको सिराहको लहानस्थित जिल्ला अस्पतालमा उपचार भै रहेको छ । घटना कसले र के कारणले घटाएको हो भन्ने बारेमा केही खुल्न सकेको छ । घटनामा संलग्नहरुको खोजी कार्य तीव्र पारिएको प्रहरीको भनाई छ ।

Comment from facebook