‘सेन्टर जेल’ का तीनजना कैदीबन्दीको मृत्यु, मृतकमध्ये एकमा कोरोना पुष्टि

Best Khabar Team | २०७६ पुष २४ गते बिहिबार

०१ सेप्टेम्बर, २०२०
काठमाडौं । काठमाडौंको सुन्धारामा रहेको सेन्टर जेल (केन्द्रीय कारागार) मा रहेका तीनजना कैदीबन्दीको मृत्यु भएको छ । मृतकमध्ये एक जनामा कोरोना संक्रमण पुष्टि भएको कारागार प्रशासनले जनाएको छ । मृतक ६०, ६४ र ४० वर्षका तीन जना पुरुष रहेका छन् । मृतक ३ जनामध्ये १ जना अर्थात् ४० वर्षका पुरुषको काठमाडौंको मेघा अस्पतालका उपचारको क्रममा निधन भएको हो ।

उनका कोरोना संक्रमण पुष्टि भएको अस्पताल स्रोतले जानकारी दिएको छ । उनको हिजोराति अस्पतालमा उपचारका क्रममा ज्यान गएको बताइएको छ । मृतक तिनैजना विरामी रहेको र एक जनाको कोरोनाको रिपोर्टका लागि स्वाब ल्याबमा पठाइएको छ भने अर्का एकजनाको रिपोर्ट नेगेटिभ आएको थियो । उनीहरु विभिन्न रोगबाट पीडित रहेको बताइएको छ ।

मृतकमध्ये एकजनाको मृत्यु भने दीर्घरोग तथा कोरोना संक्रमणबाटै भएको पुष्टि भएपनि अर्का दुईजनाको भने मृत्युको कारण खुल्न सकेको छैन । हालसम्म सेन्टर जेलका ५० भन्दा बढी कैदीबन्दीमा कोरोना संक्रमण देखिएको छ । कारागारको सुरक्षामा खटिएका केही प्रहरीमा समेत कोरोना देखिएको र उनीहरुलाई अहिले आइसोलेसनमा राखेर उपचार गरिँदै छ ।