उपत्यकासहित ९ जिल्लामा सक्रिय संक्रमित ५ सय बढी : जुनसुकै बेला लकडाउन हुनसक्ने

Best Khabar Team | २०७८ बैशाख १२ गते आइतबार


२५ अप्रिल, २०२१
काठमाडौं । काठमाडौं उपत्यकाका तीनसहित देशभरका ९ जिल्लामा अहिले कोरोना भाइरसबाट संक्रमित भएर विरामी परेका (सक्रिय संक्रमित) को संख्या ५ सय नाघेको छ । योसँगै यी जिल्लाहरुमा स्थानीय प्रशासनले जुनसुकै बेला आवश्यकता अनुसार लकडाउन गर्न सक्ने गरी अधिकार प्राप्त गरेको छ ।

कोरोना नियन्त्रण सम्बन्धी उच्चस्तरीय संयन्त्रको आज बसेको बैठकले सक्रिय संक्रमित ५नाघेका उपत्यकासहितका तराईका जिल्लामा लकडाउन गर्नसक्ने गरी अधिकार स्थानीय प्रशासनलाई प्रदान गरेको थियो । यस्तै कोरोनाका सक्रिय संक्रमित २ सय नाघेपछि पहाडी जिल्लामा पनि लकडाउन गर्नसक्ने गरी स्थानीय प्रशासनलाई अधिकार दिइएको छ । अब यो निर्णयसँगै काठमाडौं, ललितपुर भक्तपुरमा तत्काल पूर्ण वा आंशिक लकडाउन जारी गर्ने र त्यसको स्वरुप के हुने भन्ने विषयमा स्थानीय प्रशासनले आन्तरिक तयारी र छलफल थालेको छ । कोभिड १९ संकट व्यवस्थापन केन्द्र (सीसीएमसी) को बैठकले निषेधाज्ञा लगाउनसक्ने गरी स्थानीय प्रशासनलाई अधिकार दिएसँगै तीनवटै जिल्लाका प्रमुख जिल्ला अधिकारीहरुले आन्तरिक रुपमा सरोकारबालाहरुसँग अनौपचारिक छलफल थालेका छन् ।

सोमबार यो विषयमा ठोस निर्णय लिने तयारी तीनवटै जिल्लाले गरिरहेको स्रोतले जनाएको छ । काठमाडौं उपत्यका अलावा पूर्वी नेपालको मोरङ, तराईको पर्सा, गण्डकी प्रदेशको कास्की, दाङ, बाँके र रुपन्देही जिल्लामा पनि निषेधाज्ञा जारी गर्ने विषयमा स्थानीय प्रशासनले छलफल थालेको छ । किनकी यी जिल्लाहरुमा पनि आइतबार साँझसम्म सक्रिय संक्रमितको संख्या पाँचसय नाघेको छ । यो समाचार तयार पार्दासम्म बर्दिया जिल्ला प्रशासनले भने आगामी १ साताका लागि भन्दै सोमबारदेखि लागूहुने गरी लकडाउनको घोषणा गरिसकेको छ ।



Comment from facebook



थप खबर पढ्नुहोस्
कोरोनाको कहरमा ‘बकर इद’ पर्व कोरोनाको कहरमा ‘बकर इद’ पर्व

२०७७ श्रावण १७ गते शनिबार

– पि.एल. तरंग०१ अगस्ट, २०२०विगत ८ महिनादेखि विश्वभरी फैलिएको...

‘अब्बल विकास बैंक’ बनाउने कामना सेवाको उद्घोष ‘अब्बल विकास बैंक’ बनाउने कामना सेवाको उद्घोष

२०७६ पुष १७ गते बिहिबार

०२ जनवरी, २०२० काठमाडौं । अहिलेको प्रधिस्पर्धात्मक बैकिङ्ग बजारमा...

कोरोना संक्रमित १४ सय नाघे, एकैदिन १८९ नयाँ थपिए, २१९ ले कोरोना जिते कोरोना संक्रमित १४ सय नाघे, एकैदिन १८९ नयाँ थपिए, २१९ ले कोरोना जिते

२०७७ जेठ १७ गते शनिबार

३० मे, २०२०काठमाडौं । नेपालमा कोरोना संक्रमितको संख्या १४...

कोरोना अपडेट : उपत्यकामा ६९६ सहित देशभर थप १४ सय ५४ जनामा कोरोना संक्रमण कोरोना अपडेट : उपत्यकामा ६९६ सहित देशभर थप १४ सय ५४ जनामा कोरोना संक्रमण

२०७७ भाद्र २६ गते शुक्रबार

११ सेप्टेम्बर, २०२०काठमाडौं । पछिल्लो २४ घण्टामा देशभर थप...

Top