Best Khabar Team | २०२६ पुष १७ गते बिहिबार
३० जुलाई, २०२०
काठमाडौं । सरकारले गएको चैत्र ५ गतेपछि बन्द रहेको र कोरोना संक्रमितलाई लक्षित गर्दै बनाइएको देशभरका विद्यालयको क्वारेन्टाइन स्थल हटाउने निर्णय गरेको छ । नेपाल सरकार मन्त्री परिषद्को बैठकले देशभरका विद्यालयमा रहेका क्वारेन्टाइन स्थल र आइसोलेसन स्थललाई हटाउने निर्णय गरेको हो ।
गत चैत्र ५ गते देशभर लकडाउन शुरुभएसँगै सरकारले देशका दर्जनौं विद्यालयहरुलाई क्वारेन्टाइन स्थल र आइसोलेसनको रुपमा विकसित गरेको थियो । सम्भावित कोरोना जोखिम र त्यसको व्यवस्थापनका लागि भन्दै सरकारले देशका सबै प्रदेशका विभिन्न वडामा रहेका विद्यालयहरुमा क्वारेन्टाइन कक्ष र आइसोलेसन कक्ष बनाएको थियो । विशेष गरी तराईका जिल्लाहरुमा धेरै मात्रामा विद्यालयहरु यो प्रयोजनका लागि प्रयोग गरिएको छ ।
भारतमा काम गरेर फर्कने तराई क्षेत्रका नागरिकलाई लक्षित गर्दै नेपाल भारत सिमावर्ती तराईका जिल्लाहरुका सयौं विद्यालयहरुमा अहिले पनि क्वारेन्टाइन र आइसोलेसन कक्ष रहेको छ । तर सरकारले अब भदौ १ गतेदेखि देशभर विद्यार्थी भर्ना अभियान सञ्चालन गर्न र अवस्था हेरेर विद्यालय सञ्चालनको तयारी गरेसँगै देशभरका आइसोलसन र क्वारेन्टाइन सेन्टर हटाउने निर्णय गरेको हो ।
आइसोलेसन केन्द्र हटाएसँगै ती क्षेत्रमा आवश्यक सरसफाई तथा भाईरसको संभावित जोखिमलाई हटाउन राम्ररी निर्मलीकरण गर्नका लागि पनि सम्बन्धित गाउँपालिका तथा नगरपालिकालाई आग्रह गरिएको सरकारका प्रवक्ता युवराज खतिवडाले जानकारी दिए । सरकारले भदौ १ गतेदेखि देशभरका विद्यालयमा भर्ना अभियान शुरु गर्ने तयारी गरेसँगै विद्यालयहरुले पनि पाठ्यपुस्तक वितरण तथा अन्य आवश्यक तयारी अघि बढाएका छन् । यद्यपि नेपालमा कोरोनाको जोखिम बढ्दै गएका कारण तत्काल विद्यालयहरुमा पठनपाठन हुनेमा भने आशंका नै देखिएको छ ।
२०२६ पुष १७ गते बिहिबार
२० जुन, २०२०काठमाडौं । निरन्तरको बर्षाको कारण काठमाडौंको डिल्लीबजारमा...
२०७७ जेठ २३ गते शुक्रबार
०६ मे, २०२०वीरगञ्ज । पर्साको वीरगञ्जमा थप १७ जनामा...
२०७७ कार्तिक २३ गते आइतबार
११ अगस्ट, २०२०न्यूर्योक । अमेरिकी राष्ट्रपति डोनाल्ड ट्रम्पले ह्वाईट...
२०७७ आश्विन १६ गते शुक्रबार
१०, फेब्रुअरी, २०२० काठमाडौं । ५० र ६० को...
Top