जर्मन चान्सलर ओलाफलगायतको उच्चस्तरीय टोली भारत आउँदै

Best Khabar Team | २०२६ पुष १७ गते बिहिबार

२१ फेब्रुअरी, २०२३
नयाँदिल्ली । जर्मन चान्सलर ओलाफ स्कोल्जल यही साता भारत भ्रमण गर्दैछन् । सन् २०११ मा जर्मन र भारतबीच द्विवार्षिक अन्तर–सरकारी परामर्श संयन्त्र सुरु भएदेखि जर्मन चान्सलरबाट हुन लागेको यो पहिलो भ्रमण भएको भारतीय विदेशमन्त्रालयले जनाएको छ । जर्मन चान्सलर स्कोल्ज यही फेब्रुअरी २५ मा भारतको राजधानी नयाँदिल्ली अवतरण गर्नेछन् ।

उनका साथमा जर्मनका उच्चपदस्थ टोली, व्यापारिक प्रतिष्ठानका बरिष्ठ व्यक्तिहरुसमेतले भारत भ्रमण गर्नेछन् । नयाँदिल्लीमा रहँदा उनले भारतका राष्ट्रपति, प्रधानमन्त्रीलगायतसँग भेटवार्ता गर्नेछन् । यस्तै त्यसको भोलिपल्ट जर्मन चान्सलरस्कोल्जलगायतको टोली भारतको अर्को शहर बैंङ्गलोर जानेछ् । जर्मन चान्सलरको भारत भ्रमण विशेषतः द्विपक्षीय, क्षेत्रीय र विश्वस्तरीय महत्त्वका अलावा सुदृढ लगानी र व्यापारिक सम्बन्ध, हरित एवं दीगो विकासमा सहयोगलगायतमा केन्द्रित रहने भारतीय सञ्चारमाध्यमहरुले जनाएका छन् ।

Comment from facebook