Best Khabar Team | २०२६ पुष १७ गते बिहिबार

---

१७ जुलाई, २०२०
काठमाडौं । वर्षायाम शुरुभएसँगै देशका विभिन्न भागमा भएको भीषण वर्षापछि बढेको नदीले बगाएर तथा पहिरोमा पुरिएर यो वर्षमात्रै अहिलेसम्म दर्जनौं मानिसको ज्यान गै सकेको छ । कयन् बेपत्ता भएका छन् भने करोडौंको भौतिक सम्पत्ति क्षति भएको छ ।

यही क्रममा आगामी ५ दिन देशका विभिन्न स्थानमा भीषण वर्षाको सम्भावना रहेको भन्दै सचेत रहन जल तथा मौसम पूर्वानुमानका क्षेत्रमा कार्यरत विभिन्न निकायले सबैलाई आग्रह गरेको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले आज एक विज्ञप्ति निकालेर आगामी साउन ४ गते सोमबारदेखि साउन ८ गतेसम्म ५ दिन देशभर भारी वर्षाको सम्भावना रहेको पूर्वानुमान गरेको छ । विशेष गरी कर्णाली र सुदुरपश्चिम प्रदेश बाहेक अन्य प्रदेश र जिल्लामा यी पाँच दिन भिषण वर्षात् हुनसक्ने भन्दै प्रधिकरणले यस्तो आग्रह गरेको छ । जल तथा मौसम विज्ञान विभागले पनि यो पाँच दिन देशका विभिन्न भागमा धेरै वर्षात्को सम्भावना रहेको भन्दै सचेत र सर्तक रहन आग्रह गरेको छ ।

विशेष गरी भीरको मुनितिर रहेका बस्ती, खोला तथा नदीका छेउछाउका बस्ती एवं पहिरो र डुवानलगायत जोखिमयुक्त क्षेत्रमा रहेका बस्तीका वासिन्दाले यसबीचमा विशेष सावधानी अपनाउनुपर्ने विज्ञहरुले बताएका छन् । तराईका जिल्लामा डुवानको समस्या तथा पहाडमा पहिरोको जोखिम रहेको भन्दै उनीहरुले वर्षातका बेला हुनसक्ने बाहिर पहिरोलाई मध्यनजर गर्दै सम्भावित सुरक्षित स्थानमा बस्नका लागि सबैलाई अनुरोध समेत गरेको छ ।

---

Comment from facebook