फेरि बैवाहिक जीवनमा बाधिँदै गायिका अञ्जु पन्त

Best Khabar Team | २०७७ चैत्र २० गते शुक्रबार

०४ फेब्रुअरी, २०२१
काठमाडौं । चर्चित गायिका अञ्जु पन्त पुनः विवाह बन्धनमा बाधिँने भएकी छन् । १० वर्षअघि गायक तथा संगीतकार मनोजराजसँग बैवाहिक सम्बन्ध विच्छेद गरेकी गायिका पन्तले छिट्टै नै फेरि विवाह गर्ने तयारी गरेको उनी निकटस्थहरुको भनाई छ ।

**गायिक अन्जु पन्त र उनका हुनेवाला पति थीर कोइराला । तस्वीर साभार: इन्टरनेट ।**

गायिका पन्तले पूर्वी नेपालको इलाम स्थायी घर भएका थीर कोइरालासँग विवाह गर्न लागेकी हुन् । विगत केही वर्षदेखि कोइराला र पन्तबीच प्रेमसम्बन्ध रहेको भएपनि अहिले पारिवारिक तथा साथिभाईको दबावका कारण उनीहरु छिट्टै नै विवाह बन्धनमा बाधिँन लागेका हुन् । पत्रकारितामा समेत आबद्ध कोइरालाले लेखेका कतिपय गीतहरुलाई अञ्जुले आफ्नो स्वर दिएकी छन् । कोइराला केहीवर्षअघि नेपाल टेलिभिजनमा कार्यक्रम समेत सम्वादसम्बन्धी कार्यक्रम चलाउँदथे । उनी इटहरीमा रहँदा पत्रिकाको समेत रहेका थिए ।

हाल काठमाडौंमा बस्दै आएका कोइराला र पन्त दुबै क्रिश्चियन धर्म मान्ने गर्दछन् । उनीहरुले छिट्टै विवाहको मिति तय गर्ने सञ्चारमाध्यमहरुमा बताउँदै आएका छन् ।