आफूलाई ज्योतिष भन्दै भूकम्पको भविष्यवाणी गर्ने युवक प्रहरी नियन्त्रणमा

Best Khabar Team | २०७६ जेठ २१ गते मंगलबार

०४ जुन, २०१९
काठमाडौं । मिति तोकेर ठूलो भूईँचालो आउने घोषणा गरेका र आफूलाई अनुहार हेरेर भाग्य बताउन सक्ने ज्योतिष दाबी गर्ने एक युवकलाई प्रहरीले आज काठमाडौंबाट पक्राउ गरेको छ । प्रहरीका अनुसार यही जेठ २८ गतेभित्रमा ठूलो भूईँचालो जाने घोषणा गर्ने अर्जुन क्षेत्रीलाई प्रहरीले आज काठमाडौंबाट पक्रेको हो ।

उनले विपद्सम्मन्धी अफवाह फैलाएको भन्दै प्रहरीले नियन्त्रणमा लिएको हो । उनले पछिल्लो समयमा केही युटु्व च्यानलहरुलाई अन्र्तवार्ता दिँदै जेठको २८ गते भित्रमा ठूलो भूकम्प जाने भविष्यवाणी गरेका थिए ।

पक्राउ परेका क्षेत्रीले दर्जनभन्दा बढी युट्व च्यानललाई अन्र्तवार्ता दिँदै आफूले भनेको पुगेरै छाड्ने र यसले कयौंको हताहती हुनसक्ने दाबी गरेका थिए । पक्राउ परेका क्षेत्रीलाई अनुसन्धान गरी थप कारबाही अघि बढाउने प्रहरीको भनाई छ ।