Best Khabar Team | २०७७ जेठ २६ गते सोमबार

---

– प्रतीक लामिछाने, लिंकरोभर, बेल्जियम ।
विश्वमा हाल अस्तित्वमा रहेका देशहरुको सूची १ सय ९५ रहेको छ । विश्वको भूगोल, जनसंख्यालगायतको बारेमा अद्यावधिक तथ्यांक राख्ने ओल्डोमिटर डटकमले जुन ८ तारिखको दिन बिहान ११ बजेसम्म जारी गरेको तथ्यांक अनुसार विश्वमा कुल १ सय ९५ वटा राष्ट रहेका छन् । ती मध्ये १ सय ९३ राष्ट्रहरु संयुक्त राष्ट्रसघका सदस्य राष्ट्रहरु रहेका छन् भने बाँकी २ वटा देशहरुले राष्ट्रसंघको सदस्यता लिएका छैनन ।

‘होलि सी’ र ‘स्टेट अफ प्यालेस्टाइन’ राष्ट्रसंघको सदस्य राष्ट बाहिर रहेका छन् । तर यही बीचमा आगामी अहिलेसम्मको योजना सफल भएको खण्डमा आगामी जुन १० तारिखदेखि विश्वमा अर्को एउटा नयाँ देशको जन्म हुँदैछ । संयुक्त राष्ट्रसंघको दशकौं अघिदेखिको प्रयास र मध्यस्तापछि अफ्रिकी महादेशमा नयाँ देशको जन्म हुन लागेको हो । हालको क्यामरुन र नाइजेरियाका केही क्षेत्रहरुलाई समेटेर नयाँ देश घोषणा गर्ने तयारी भएको अन्र्तराष्ट्रिय सञ्चारमाध्यमहरुले जनाएका छन् । यसका लागि सबै तयारी अन्तिम चरणमा पुगेको बताइएको छ । । यसरी नयाँ बन्न लागेको देशमा अहिलेको अफ्रिकी मुलुकमा रहेको क्यामरुनबाट यसअघिको बृटिसद्वारा शासित क्षेत्र अर्थात् पहिलेको उत्तरी र दक्षिणी ब्रिटिस क्यामरुन (अँग्रेजी भाषाको बाहुल्यतारहेको क्षेत्र) र नाइजेरियाका पनि केही क्षेत्रहरुलाई मिसाएर नयाँ देश बनाउन लागिएको हो ।

बाँकी रहेको हालको क्यामरुनमा रहेका फ्रेन्चभाषीहरु बसोबास रहेका क्षेत्र अर्थात् यसअघिको फ्रेन्च उपनिवेशलाई भने ‘रिपब्लिक अफ क्याम्मरुन’का रुपमा राख्ने तयारी भै रहेको बुझिएको छ । यसरी नयाँ बन्ने देशको नाम ‘एम्बाजोनिया’ (युएनओ स्टेस अफ क्यामरुन) रहने छ । नयाँ बन्ने देशको क्षेत्रफल २८ हजार २ सय १४ बर्गकिलोमिटर रहने छ भने २ करोड जनसंख्या यो देशको भूभागभित्र बसोबास गर्नेछन् । यसअघि सन् २००३ मा संयुक्त राष्ट्रसंघका महासचिव कोफी अन्नानको मध्यस्तकर्तामा भएको वार्तामा नाइजेरियाका पूर्व राष्ट्रपति ओलुसेगुन ओबासांजो र क्यामरूनका पल बियाले यो प्रस्तावलाई स्वीकार गरेपछि छुट्टै देश बनाउने काम अघि बढेको थियो ।

स्मरणीय के छ भने यो घोषणा सँगै विगतमा व्यापक हिंसात्मक गतिविधि गर्दै आएको ‘बोको हराम’ नामक आतंकवादी संगठनको केन्द्रविन्दुको रुपमा रहेको नाइजेरियाको उत्तरपूर्वी सिमा अब विधिबत् रुपमा तीनवटा देशमा विभाजन हुने भएको छ । यसअघि नाइजेरिया र क्यामरुन गरी दुईदेशमा विभाजन भएको नाइजेरियाको भूमि अब ‘एम्बाजोनिया’ समेत गरी तीन देशमा विभाजन हुनेछ ।

दुबै देशका विवादित उत्तरी तथा दक्षिणी क्षेत्रहरुलाई समेटेर बनाउन लागिएको नयाँ देशलाई अब दुबै देशले नयाँ देशको अस्तित्वको रुपमा स्वीकानुपर्ने हुन्छ, जुन विषयमा उनीहरुले यसअघि नै सहमति जनाइसकेका छन् । स्मरणीय के छ भने यो घोषणा सँगै विगतमा व्यापक हिंसात्मक गतिविधि गर्दै आएको बोको हराम नामक आतंकवादी संगठनको केन्द्रविन्दुको रुपमा रहेको नाइजेरियाको उत्तरपूर्वी सिमा अब विधिबत् रुपमा तीनवटा देशमा विभाजन हुने भएको छ ।

यसअघि नाइजेरिया र क्यामरुन गरी दुईदेशमा विभाजन भएको नाइजेरियाको भूमि अब ‘एम्बाजोनिया’ समेत गरी तीन देशमा विभाजन हुनेछ । पहिलो विश्वयुद्दमा जर्मनीले आफ्नो उपनिवेशिक भूमि पराजित गरेसँगै क्यामरुन क्षेत्र ब्रिटेन र फ्रान्सको बीचमा विभाजन भएको थियो । क्यामरूनको दक्षिणी भाग विगत लामो समयदेखि स्व–शासनको लागि आन्दोलनरत छ। जसका काण यो क्षेत्रमा दशकौंदेखि आन्तरिक द्वन्द्व जारी थियो ।

यो प्रयासले अबको एक महिनाभित्र मूर्त रुप लिएको खण्डमा योदेश अफ्रिकी महाद्वीपको ५५ औं सार्वभौमसम्पन्न मुलुक हुनेछ । जुन संयुक्त राष्ट्रसंघको १ सय ९४ औं सदस्य राष्ट्रको रुपमा रुपमा रहनेछ । यसअघि सन् २०११ को जुलाईमा दक्षिणी सुडान अफ्रिकी महाद्विपमा सबैभन्दा पछि उदय भएको देशको रुपमा रहेको छ । विगत लामो समयको युद्दपछि दक्षिणी सुडानले ९ वर्षअघि सार्वभौमसम्पन्न देशको उपमा पाएको थियो । (एजेन्सीको सहयोगमा)

---

Comment from facebook