चर्चित बलिउड अभिनेता अमिताभ बच्चन र उनका छोरालाई कोरोना संक्रमण : अस्पतालमा उपचार हुँदै

Best Khabar Team | २०७७ मंशिर २२ गते सोमबार

१२ जुलाई, २०२०
नयाँदिल्ली । बलिउड क्षेत्रका प्रख्यात अभिनेता अमिताभ बच्चन र उनका छोरा अभिषेख बच्चनलाई कोरोना संक्रमण भएको छ । उनीहरुलाई केहीदिनअघि कोरोना संक्रमणसँग मिल्दोजुल्दो लक्षण देखिएपछि गरिएको स्वाब परीक्षणका क्रममा कोरोना पुष्टि भएको हो । अहिले दुबैलाई मुम्बईको नानाभाति अस्पतालमा राखेर उपचार थालिएको छ ।

दुबैको अवस्था सामान्य रहेको अमिताभ बच्चनका ४४ वर्षका छोरा अभिषेशले ट्वीट्मार्फत् सार्वजनिक गरेका छन् । ७७ वर्षका अमिताभले हालसम्म बलिउडका २ सय बढी चलचित्रहरुमा अभिनय गरेका छन् । उनका परिवारका अन्य सदस्यहरु जया बच्चन, ऐश्वर्य राय बच्चन आराध्य बच्चनलगायतको भने कोरोना टेस्ट नेगेटिभ आएपछि उनीहरु अस्पालबाट घर फर्केका छन् । भारतमा हालसम्म कोरोनाका ८ लाख ५० हजार ८ सय २७ जना संक्रमित भेटिएका छन् ।

२२ हजार ६ सय ९६ जनाले कोरोनाकै कारण ज्यान गुमाएका छन् भने हालसम्म ५ लाख २६ हजार ३ सय १४ जनाले कोरोनालाई परास्त गरेका छन् । भारत विश्वमा कोरोना संक्रमित मूलुकको तेश्रो नम्बरमा पर्दछ ।