‘परदेशिको पिडा’ लिएर सांगीतिक क्षेत्रमा झुल्किए फोटोपत्रकार वन्त

Best Khabar Team | २०७७ कार्तिक २१ गते शुक्रबार

०६ नोभेम्बर, २०२०
काठमाडौं । सँधैभरी समाजमा हुने गरेका विभिन्न खाले गतिविधि र घटनाक्रमलाई फोटोको माध्यमबाट सार्वजनिक गर्दै आम नागरिक माझ स्थापित फोटो पत्रकारको छवि बनाएका पत्रकार प्रदिपराज वन्तले फोटो पत्रकारितासँगै नयाँ क्षेत्रमा पाइला चालेका छन् । पछिल्ला वर्षहरुमा विभिन्न सामाजिक काममा समेत सक्रियरुपमा लाग्दै आएका वन्त हालैमात्र नेपाली सांगीतिक आकाशमा नयाँ म्युजिक भिडियो मार्फत् सार्वजनिक भएका छन् ।

‘परदेशिको पिडा’ नामक म्युजिक भिडियोमार्फत् सांगीतिक आकाशमा उदाएका पत्रकार वन्तको यो पहिलो सांगीतिक प्रस्तुती हो । सिजन इन्टरटेन्मेन्टको निर्माण रहेको यो सांगीतिक प्रस्तुतीमा शब्द गीतकार नवराज घिमिरेको रहेको छ । सो म्यूजिक भिडियोकोको शुक्रबार राजधानीमा आयोजित एक कार्यक्रममा निर्देशक आकाश अधिकारी, वरिष्ठ सौन्दयकर्मी सिता न्यौपाने पाठक, वरिष्ठ कर्पोरेट सेफ कुमार चालिसेललगायतको टोलीले संयुक्त रुपमा गरेको छ ।

काठमाडौंमा आयोजित एक कार्यक्रका बीच गरिएको म्युजिक भिडियो सार्वजनिक कार्यक्रममा बोल्ने वक्ताहरुले पत्रकारितासँगै कलाकारितामा होमिएका वन्तलाई सफलताको शुभकामना व्यक्त गरेका थिए । प्रस्तुत सांगीतिक कोशेलीमा विशेषत विदेशमा नेपालीहरुले भोगेको दुखः तथा पीडालाई गीत संगीतको माध्यमबाट प्रस्तुत गरिएको छ ।

स्वदेशमा अवसरको खोजीमा रहेर अनेकौं हण्डर खाएपछि अन्त्यमा विदेसिनुपर्ने बाध्यता र विदेसियपछि उनीहरुले भोग्नुपरेका दुःख तथा पीडालाई प्रस्तुत गीतिमा उल्लेख गरिएको छ । प्रस्तुत गीतमा गायक विनोद दनुवार आवाज दिएका छन् भने फोटो पत्रकार प्रदीपराज वन्त र मोडल सोनाम केसीको अनिय रहेको छ । नविनबाबु गरुङको निर्देशन तथा छायाङकन रहेको प्रस्तुत गीत आजैबाट युट्वमार्फत् सार्वजनिक समेत भएको छ ।

Comment from facebook