Best Khabar Team | २०७७ जेठ १ गते बिहिबार
१४ मे, २०२०
काठमाडौं । महामारीको रुपमा फैलिएको कोरोना भाइरसका कारण विश्वभर ज्यान गुमाउनेको संख्या ३ लाख नाघेको छ । कोरोना भाइरसबारे प्रत्यक्ष रिर्पोटिङ्ग गर्ने ओल्डोमिटर डटकमले सार्वजनिक गरेको तथ्यांक अनुसार बिहीबार राती नेपाली समय १० बजेसम्ममा विश्वका विभिन्न मुलुकबाट ३ लाख २ सय २० जनाले कोरोनाका कारण ज्यान गुमाएका छन् । यस्तै ४४ लाख ७८ हजार ५ सय ६५ जना संक्रमित बनेका छन् ।

संक्रमितमध्ये १६ लाख ८२ हजार ८ सय ७२ जना उपचारपछि स्वास्थ्यलाभ गरी घर फर्केका छन् । कोरोनाका कारण सबैभन्दा धेरै प्रभावित भएको देशको पहिलो नम्बरमा अहिले अमेरिका परेको छ । अमेरिकामा हालसम्म कोरोनाका कारण ८५ हजार ४ सय ६३ जनाले ज्यान गुमाईसकेका छन् । अमेरिकामा १४ लाख ३६ हजार ५ सय १६ जनामा कोरोना संक्रमण देखिएको छ । ती मध्ये ३ लाख १० हजार ८ सय ३४ जना निको भएका छन् । यस्तै स्पेनमा २ लाख २७ हजार ६ सय ४६ जना संक्रमित भएका छन् भने २७ हजार ३ सय २१ जनाले ज्यान गुमाएका छन् ।

यस्तै रसियामा २ लाख ५२ हजार २ सय ४५ संक्रमित देखिएका छन् भने २ हजार ३ सय ५ जनाको ज्यान गएको छ । बेलायतमा २ लाख ३३ हजार १ सय ५१ जना संक्रमितमध्ये ३३ हजार ६ सय १४ जनाको ज्यान गएको छ । यस्तै इटलीमा २ लाख २३ हजार ९६ जना संक्रमित भेटिएका छन् । इटलीमा हालसम्म ३१ हजार ३ सय ६८ जनाको कोरोनाका कारण ज्यान गएको छ ।

इटलीपछि युरोपेली मुलुक फान्समा २७ हजार ७४ जना, जर्मनीमा ७ हजार ८ सय ६८ जना, ब्राजिलमा १३ हजार ५ सय ५१ जना, टर्कीमा ३ हजार ९ सय ५२ र इरानमा ६ हजार ८ सय ५४ जनाको ज्यान गएको छ । यस्तै चीनमा ४ हजार ६ सय ३३ जनाको ज्यान कोरोनाका कारण गएको छ । भारतमा २ हजार ५ सय ६४ जनाको ज्यान कोरोनाका कारण गएको छ । कोरोनाका कारण विश्वका १ सय ९५ भन्दा बढी मुलुकहरु प्रभावित बनेका छन् ।
जसका कारण विश्वभरको पर्यटकीय तथा आर्थिक गतिविधि थप्पप्राय बनेको छ । गर्मीका महिनामा करोडौं पर्यटकको चहलपहल हुने विश्वका विकसित देशहरु तथा युरोपेली मुलुकहरुमा यतिबेला पर्यटकहरु सून्य छन् । जसका कारण एयरलाईन्स कम्पनी, होटल तथा रेस्टुरेन्ट सञ्चालकलगायतले करोडौंको क्षति बेहोर्नुपरेको छ ।

यो वर्ष विश्वभर कोरोनाको त्रास जारी रहेका कारण पर्यटकीय गतिविधिमा निक्कै ह्रास आउने अनुमान यस क्षेत्रका विज्ञहरुले गरेका छन् । जसका कारण नेपाललगायत विश्वका विभिन्न पर्यटकीय क्षेत्रमा काम गर्ने लाखौं कामदार प्रभावित भएका छन् । यस्तै हजारौंको जागिर समेत गुमेको छ ।
गत डिसेम्बरको अन्तिम साता चीनको बुहान प्रान्तबाट देखिएको कोरोना भाइरसले यतिबेला विश्वभर ताण्डब मच्चाईरहेको छ । हालसम्म कोरोना नियन्त्रणको लागि न कुनै औषधी उपयोगी सिद्ध बनेको न त कुनै भ्याक्सिन नै बनेको छ ।

स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
२४ घण्टामा २८९ जना कोरोना संक्रमित थपिए
२०७७ जेठ २८ गते बुधबार
१० जुन, २०२०काठमाडौं । देशका विभिन्न स्थानमा पछिल्लो २४...
कोरोनाको करिब ७ महिने ताण्डव : विश्वभर ज्यान गुमाउनेको संख्या ६ लाख नाघ्यो (बढी प्रभावित विश्वका १० देशको तथ्यांक सहित)
२०७७ श्रावण ३ गते शनिबार
१८ जुलाई, २०२०काठमाडौं । गएको डिसेम्बर तेश्रो साता चीनको...
कोरोनाको तेश्रो लहर सामना गर्दै युरोप :अधिकांश देशमा फेरि लकडाउन
२०७७ चैत्र १३ गते शुक्रबार
२६ मार्च, २०२१लिंकरोभर, बेल्जियम । सन् २०१९ को डिसेम्बरमा...
अफगानिस्तानमा ईदको सामान किन्न गएका सर्वसाधारणलाई लक्षित गरी विस्फोट, १७ को मृत्यु
२०७७ श्रावण १६ गते शुक्रबार
३१ जुलाई, २०२०काबुल, अफगानिस्तान । अफगानिस्तानको लोगार प्रान्तमा अज्ञात...
Top