कोरोना संक्रमितको संख्या २ लाख ६४ नाघ्यो

Best Khabar Team | २०७७ पुष २५ गते शनिबार

०९ जनवरी, २०२१
काठमाडौं । नेपालमा गएको चैत्र महिनादेखि आजसम्म कोरोना संक्रमित भएकाहरुको कुल संख्या २ लाख ६४ नाघेको छ । स्वास्थ्य तथा जनसंख्या मन्त्रालयले दिएको जानकारी अनुसार हालसम्म कोरोना भाइरसको संक्रमण पुष्टि भएकाहरुको संख्या २ लाख ६४ हजार ५ सय २१ पुगेको छ ।

ती मध्ये हालसम्म २ लाख ५७ हजार ३ सय भन्दा बढीले स्वास्थ्य लाभ गरिसकेका छन् भने कोरोनाकै कारण हालसम्म १ हजार ९ सय ९ जनाले ज्यान गुमाएका छन् । मन्त्रालयको पछिल्लो तथ्यांक अनुसार देशभर पछिल्लो २४ घण्टामा थप ३ सय ६२ जनामा कोरोना संक्रमण देखिएको छ । पछिल्ला दिनमा देशभरको कोरोना संक्रमितको तथ्यांकलाई आधार बनाउँदा कोरोना संक्रमणदर केही कम देखिएको छ ।