Best Khabar Team | २०७६ पुष २० गते आइतबार
०१ मे, २०२०
नेपालगञ्ज । नेपालमा थप दुईजनामा कोरोना संक्रमण भएको पुष्टि भएको छ । स्वास्थ्य तथा जनसंख्या मन्त्रालयले आज काठमाडौंमा पत्रकार सम्मेलन गरी बाँके र रुपन्देहीका गरी थप २ जनामा कोरोना संक्रमण भएको पुष्टि गरेको हो । बाँकेको नेपालगञ्जका एक ६० वर्षका पुरुषमा कोरोना संक्रमण भएको मन्त्रालयले जनाएको छ ।
ती बृद्दको नाम र वास्तविक ठेगाना खुलाईएको छैन । उनको अवस्था सामान्य रहेको बताइएको छ । उनलाई जिल्ला अस्पतालको आइसोलेसन वार्डमा राखेर उपचार भै रहेको बताइएको छ । उनमा कसरी कोरोना संक्रमण भयो भन्ने विषयमा चिकित्सकहरुको टोलीले थप अनुसन्धान अघि बढाएको छ । यस्तै रुपन्देहीका एक २५ वर्षका युवकमा पनि कोरोना संक्रमण देखिएको छ । ती युवकको पनि बुटबलस्थित सिद्दार्थ अस्पतालमा उपचार हुँदैछ ।
उनको अवस्था पनि सामान्य रहेको मन्त्रालयको भनाई छ । योसँगै नेपालमा कोरोना संक्रमितको संख्या ५९ पुगेको छ । ती मध्ये १६ जना उपचारपछि घर फर्केका छन् । मन्त्रालयले आज गरेको नियमित पत्रकार सम्मेलनमा दिएको जानकारी अनुसार कोरोना संक्रमितमध्ये ४९ जना पुरुष र १० जना महिला रहेका छन् । हाल अस्पतालमा उपचाररत सबै विरामीको अवस्था खतरामुक्त रहेको बताइएको छ ।
२०२६ पुष १७ गते बिहिबार
१६ जुन, २०१९ काठमाडौं । बहुमूल्य हिमाली ‘भियग्रा’ को...
२०२६ पुष १७ गते बिहिबार
१९ डिसेम्बर, २०१९ बेस्टखबर प्रतिनिधि, आल्बुफेरा । युरोपेली मुलुक...
२०२६ पुष १७ गते बिहिबार
रमेश लम्साल/ प्रदीपराज वन्त (रासस ) – झुस्स दारी...
२०७६ चैत्र २२ गते शनिबार
०४ मार्च, २०२० काठमाडौं । नेपालमा एकैदिन थप तीन...
Top