बलिउड अभिनेता ऋषि कपूरको निधन, अस्ताए २४ घण्टामा दुई भारतीय चलचित्र ‘नायक’

Best Khabar Team | २०७७ बैशाख १८ गते बिहिबार

३० अप्रिल, २०२०
नयाँदिल्ली । पछिल्लो २४ घण्टायता बलिउड क्षेत्रले दुई दिग्गज अभिनेताहरुलाई गुमाएको छ । भारतीय चलचित्र क्षेत्रमा सदाबाहक नायकको रुपमा परिचित चलचित्र अभिनेता ऋषि कपुर र इरफान खानको पछिल्लो २४ घण्टायता अस्पतालमा उपचारका क्रममा निधन भएको हो । भारतीय सञ्चारमाध्यमहरुका अनुसार अभिनेता कपूरको उपचारका क्रममा भारतको मुम्बईमा गएराति ज्यान गएको हो ।

६७ वर्षका कपूर विगत केहीवर्षयता क्यान्सर रोगबाट पीडित थिए । गतवर्ष अमेरिकामा उनले क्यान्सरको उपचार गराएर भारत फर्केका थिए । अमेरिकामा हुँदा उनको अवस्था सामान्य रहेको र उपचारपछि घर फर्केपनि पछि विभिन्न समस्या देखिएपनि फेरि अस्पताल भर्ना भएका थिए । त्यसयता सामान्य अवस्थामा रहेका कपुरको मुम्बईस्थित सर एचएन रिलायन्स अस्पतालमा उपचारका क्रममा हिजो निधन भएको हो ।

पछिल्लो पटक कपुरद्वारा अभिनित ‘द बडी’ नामक चलचित्र प्रदर्शनीमा आएको थियो । स्मरणीय के छ भने ऋषि कपूरकी पत्नी नितू कपूर बलिउडकी अभिनेत्री, छोरा रणबिर कपूर बलिउडका चर्चित अभिनेता हुन् भने छोरी रिद्दीमा कपूर सहनी फेसन डिजाइनर हुन् । सन् १९५२ मा जन्मिएका कपुरले ‘मेरो नाम जोकर’ नामक चलचित्रमा बालकलाकारको रुपमा अभिनय गरेर आफ्नो अभिनय यात्रा शुरु गरेका थिए ।

सो चलचित्र उनका पिता राज कपूरले निर्देशन गरेका थिए । यसअघि हिजो मात्रै बलिउडले चलचित्र नायक इरफान खानलाई गुमाएको थियो । स्वर्गीय नायक इरफान खानको बारेमा विस्तृत समाचार यहाँ क्लिक गरेर हेर्न सक्नुहुनेछ ।