Best Khabar Team | २०७७ असार २१ गते आइतबार
०५ जुलाई, २०२०
काठमाडौं । कोरोना भाइरस (कोभिड १९) को संक्रमणका कारण भएको लकडाउन र त्यसपछि पनि निश्चित क्षेत्रमात्रै खुलेका कारण यो वर्षको कक्षा ११ को बोर्ड परीक्षा नहुने भएको छ । पाठ्यक्रम विकास तथा मूल्यांकन परिषद्का अनुसार विद्यालयहरुलाई आन्तरिक मूल्यांकनका आधारमा परीक्षार्थीहरुलाई प्रमाणपत्र दिनका लागि सिफारिस गर्ने तयारी भै रहेको छ । गएको चैत्र ५ गतेदेखि कोरोना संक्रमणलाई मध्यनजर गर्दै देशव्यापी रुपमा लकडाउन भएपछि अहिले स्कुल तथा क्याम्पसको पठानपाठन ठप्प बनेको छ ।

लकडाउनकै कारण विगतमा एसईईको परीक्षा समेत हुन नसकेका कारण विद्यालयहरुबाटै आन्तरिक मूल्यांकका आधारमा विद्यार्थीलाई प्रमाणपत्र दिने निर्णय यसअघि नै भै सकेको छ । कक्षा ११ का विद्यार्थीहरुलाई कसरी आन्तरिक मूल्याकनका आधारमा प्रमाणपत्र दिने भन्ने विषयको निर्णय भने यसअघि कक्षा ११ को परीक्षणा सञ्चालन गर्दै आएको राष्ट्रिय परीक्षा बोर्डले गर्ने भएको छ ।
यसैबीच, यो वर्षको एसईई परीक्षा नभएपनि विद्यालयहरुकोे आन्तरिक मूल्यांकनका आधारमा परीक्षा नियन्त्रण कार्यालयले वद्यार्थीहरुलाई प्रमाणपत्र दिने तयारी गरेका छन् । सोही तयारी अनुसार अहिले कार्यालयले विभिन्न जिल्लाका जिल्ला शिक्षा कार्यालयसँग समन्वय गरेर निश्चित कार्याविधि तय गर्दै आन्तरिक मूल्यांकनका लागि मापदण्ड तोकेको छ । कार्याविधिका आधारमा विद्यालयहरुले आफ्ना विद्यार्थीको आन्तरिक मूल्यांकन गरी उनीहरुको नतिजा परिक्षा नियन्त्रण कार्यालयमा पठाउने छन् । त्यसका लागि अहिले विद्यालयहरुले विद्यार्थीहरुको आन्तरिक मूल्यांकन प्रतिवेदन तयार गरिरहेका छन् ।
परीक्षा नियन्त्रण कार्यालयले आगामी साउन १५ गतेभित्र विद्यार्थीहरुलाई एसईईको प्रमाणपत्र दिने गरी तयारी अघि बढाएको बुझिएको छ । एसईई र कक्षा ११ को परीक्षा नभएपनि आन्तरिक मूल्यांकनबाटै विद्यार्थीहरुलाई प्रमाणपत्र दिने तयारी भएको भएपनि कक्षा १२ को हकमा भने अहिलेसम्म कुनै निर्णय भएको छैन ।
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
जेठ ३१ (जुन १३) सम्म नेपालको सबै आन्तरिक र बाह्य हवाई उडान तथा छिमेकी देशसँगको नाका बन्द
२०७७ जेठ ७ गते बुधबार
२० मे, २०२०काठमाडौं । कोरोना भाइरसको संक्रमण बढ्न नदिन...
युरोपबाट काठमाडौंं आएकी १९ वर्षकी युवतीमा भेटियो कोभिड–१९, टेकु अस्पतालमा उपचार हुँदै
२०७६ चैत्र १० गते सोमबार
२३ मार्च, २०२०काठमाडौं । युरोपेली मुलुक फ्रान्सबाट नेपाल फर्किएकी...
ललितपुरबाट सुनपसल लुट्ने ३ भारतीय सतुंगलमा समातिए
२०७६ माघ २९ गते बुधबार
१२ फेब्रुअरी, २०२० काठमाडौं । प्रहरीले ललितपुरस्थित एक सुनपसलबाट...
पछिल्लो २४ घण्टाको कोरोना तथ्यांक : २९०९ जना नयाँ संक्रमित थपिए, १८ को मृत्य, ४५ सय बढी कोरोना मुक्त
२०७७ कार्तिक २१ गते शुक्रबार
०६ नोभेम्बर, २०२०काठमाडौं । पछिल्लो २४ घण्टामा देशका विभिन्न...
Top