अफगानिस्तानमा ईदको सामान किन्न गएका सर्वसाधारणलाई लक्षित गरी विस्फोट, १७ को मृत्यु

Best Khabar Team | २०७७ श्रावण १६ गते शुक्रबार

३१ जुलाई, २०२०
काबुल, अफगानिस्तान । अफगानिस्तानको लोगार प्रान्तमा अज्ञात समूहले गराएको कार बम विस्फोटमा परी १७ जना सर्वसाधारणको मृत्यु भएको छ । लोगार प्रान्तका गर्भनरको कार्यालय नजिकैकै एउटा व्यस्त बजारमा भएको सो आत्मघाती आक्रमणमा सडक छेउछाउका पसलमा किनमेल गरिरहेका १७ जना सर्वसाधारणको ज्यान गएको अन्र्तराष्ट्रिय सञ्चारमाध्यमहरुले जनाएका छन् ।

आत्मघाती सो विस्फोटमा आक्रमण गराउनको पनि ज्यान गएको छ । विस्फोटक पदार्थले भरिएको एउटा कारलाई आक्रमणकारीले भीडमा लगेर ठोक्काएका थिए । त्यसलगत्तै ठूलो आवाजमा सो कार विस्फोट भएको बताइएको छ । घटनामा परि केही सर्वसाधारण घाइते भएको र उनीहरुको स्थानीय अस्पतालहरुमा उपचार भै रहेको बताइएको छ । मुश्लिम समुदायको ठूलो पर्व ईदलाई मध्यनजर गर्दै आम नागरिक किनमेलका लागि बजारमा निक्किएको मौका छोपेर सो हमला भएको बताइएको छ ।

घटनामा तालिबानी समूहको हात रहेको आशंका गरिएपनि अहिलेसम्म त्यसको पुष्टि हुन सकेको छैन । इदलाई मध्यनजर गर्दै आतंककारी समूह तालिवानीले ३ दिने युद्धविरामको घोषण गरेको केही घण्टामै यो विस्फोट भएको हो । अफगानिस्तान सरकारले घटनालाई कायरताको संख्या दिएको छ भने अन्र्तराष्ट्रिय समूदायले पनि घटनाको निन्दा गरेका छन् ।