क्यान्सरले लग्यो बलिउड अभिनेता इरफानलाई

Best Khabar Team | २०७७ बैशाख १७ गते बुधबार

२९ अप्रिल, २०२०
नयाँदिल्ली । चर्चित बलिउड तथा हलिउड अभिनेता इफरान खान ब्रह्मलिन भएका छन् । ५४ वर्षका खानको आज बिहान निधन भएको हो । विगत केही वर्षदेखि क्यान्सर रोगसँग पौठाजोरी खेल्दै आएका खानले अन्नतः क्यान्सरलाई जित्न सकेनन् ।

बलिउडमा एकदमै रुचाईएका खानको भारतको मुम्बईस्थित कोकिला वेन धिरूभाइ अम्बानी अस्पतालमा निधन भएको भारतीय सञ्चारमाध्यमहरुले जनाएका छन् । विगत केही हप्तायता खान गम्भीर अवस्थामा अस्पतालमा उपचार गराईरहेका थिए ।

न्युरोएन्डोक्राइन ट्युमरबाट ग्रसित खान आजभन्दा ५४ वर्षअघि भारतको राजस्थानस्थित जयपुरमा जन्मिएका थिए । शुरुमा नाटकबाट रंगकर्ममा प्रवेश गरेका खानको पछिलो अंग्रेजी चलचित्र मिडियम हो । यस्तै उनका सलाम बम्बे, मक्बुल, पानसिंङ तोमार, द लञ्च बक्स, पिकु, तलबारलगायतका दर्जनौं हिन्दी सिनेमाहरु हिट चलचित्रका रुपमा रहेका छन् ।

यता स्लमडग मिलिनियर्स, जुरासिक वर्ल्ड, द अमेजिङ स्पाइडर म्यान र लाइफ अफ पाईजस्ता अन्तर्राष्ट्रिय ब्लगबस्टरका अँग्रेजी चलचित्रमा पनि उनले अभिनय गरिसकेका छन् । स्वर्गीय खानले ७ दिनअघि आफ्नी आमा गुमाएका थिए ।

Comment from facebook