भारतमा भूकम्प, भूकम्पको केन्द्रबिन्दु हरियाणा

Best Khabar Team | २०७७ जेठ १६ गते शुक्रबार

२९ मे, २०२०
नयाँदिल्ली । भारतमा केहीबेरअघि भूकम्प गएको छ । हरियाणा राज्यको रोहतक भन्ने स्थानलाई केन्द्रबिन्दु बनाएर भूकम्प गएको भारतीय भूकम्प मापन केन्द्रले जानकारी दिएको छ । ४ दशमलव ६ रेक्टर स्केलको सो भूकम्पको धक्का १० सेकेन्डसम्म महशुस गरिएको थियो ।

भूकम्पको धक्का हरियाणाका अलावा राजधानी नयाँदिल्ली, नोयडा, गाजियाबाद, पञ्जावलगायतका स्थानमा महशुस गरिएको थियो । भारतीय समय अनुसार आज राती ९ बजेर ८ मिनेट जाँदा गएको सो भूकम्पको केन्द्रबिन्दु दिल्लीबाट ६५ किलोमिटर टाढाको हरियाणा रहेको रहेको बताइएको छ ।

भूकम्पबाट अहिलेसम्म कुनै क्षतिको विवरण प्राप्त भएको छैन । कोरोनाको प्रकोप रोक्नका लागि सरकारले लकडाउन घोषणा गरेकै बेला यो भूकम्प गएपछि लकडाउनमा घरभित्रै बसेका नागरिकहरु अत्तालिएर बाहिर निस्केका थिए ।