मध्यरातमा स्वीट्जरल्याण्डको हिमालमा कसरी देखियो नेपाली राष्ट्रिय झण्डा ?

Best Khabar Team | २०२६ पुष १७ गते बिहिबार


२५ अप्रिल, २०२०
पि. एल. तरंग- लिंकरोभर, बेल्जियम । विश्वव्यापी रुपमा फैलिएको कोरोना महामारी (कोभिड १९) को नियन्त्रणका लागि यतिबेला विश्व समुदाय दिनरात नभनी जुटिरहेका छन् । विश्वभर कोरोनाबाट हालसम्म करिब २ लाख (यो समाचार तयार पार्दासम्म १ लाख ९८ हजार भन्दा बढी) मानिसको ज्यान कोरोनाको कारण गै सकेको छ । लाखौं मानिस कोरोनाको संक्रमणबाट गुज्रिरहेका छन् । विश्वका अधिकांश देशले आन्तरिक संकटकाल तथा लकडाउनको घोषणा गरिरहेको छ ।

Foto : Michael Portmann

कोरोनाबाट युरोपपनि नराम्ररी प्रभावित बनिरहेको सन्र्दभमा युरोपेली देश स्वीट्जरल्याण्डको एक हिमालमा गएराति अनौठो दृश्य देखियो । स्वीट्जरल्याण्ड र इटलीको सिमामा रहेको स्वीट्जरल्याण्डको सेर्भिन हिमालमा मध्यरातमा नेपालको राष्ट्रिय झण्डा देखिएको हो । यो झण्डा हिमाल आरोही वा कसैले हिमालमा लगेर भने फहराएका होइनन् ।

यो झण्डा त विश्वव्यापी रुपमा फैलिएको कोरोना नियन्त्रणमा विश्व समुदालयलाई सफलता मिलोस् भन्ने हिसावले स्थानीय नगरपालिकाले स्वतस्फूर्तरुपमा प्रोजेक्टरको माध्यमबाट हिमालमा प्रक्षेपण गरेको हो ।

स्वीट्जरल्याण्डको नाम लिने वितिकै स्वीट्जरल्याण्डको सेर्भिन हिमालको नाम आउँछ जसरी नेपालको नाम लिने वित्तिकै सगरमाथाको नाम आउँछ । स्थानीय समाचार माध्यमहरुले उल्लेख गरेअनुसार विश्वव्यापी रुपमा फैलिएको कोरोनाको संक्रमणबाट जोगाउन, मृतकप्रति श्रद्धाञ्जली, घाइतेको स्वास्थ लाभको कामना गर्दै त्यहाँ हरेक दिन विभिन्न देशका झण्डा हिमालमा प्रक्षेपण गराईन्छ । त्यहि क्रममा गएराति नेपालको पालो परेको थियो ।

स्थानीय नगरपालिकाले गरेको सो झण्डा प्रक्षेपणको कार्यक्रमलाई विभिन्न सञ्चारमाध्यमहरुले प्रत्यक्ष प्रशारणसमेत गरेका थिए । त्यस क्रममा नेपालको पर्यटकीय, भौगोलिक तथा धार्मिक जानकारी पनि गराईएको थियो । नेपाल र स्वीट्जरल्याण्डको भूगोल धेरै हिसावले उस्तै भएकाले पनि यो झण्डा प्रक्षेपणको कार्यक्रमलाई त्यहाँ रहेका विदेशी तथा स्वीट्जरल्याण्डका नागरिकले निक्कै महत्वका साथ हेरेका थिए ।

यसअघि सो हिमालमा, अष्ट्रेलिया, अमेरिका, स्वीट्जरल्याड, न्यूजिल्याण्ड रसिया, इटलीलगायतका दर्जनौं देशको झण्डाको प्रोजेक्टर प्रक्षेपण गरिसकिएको छ ।

स्वीट्जरल्याण्डको ल्याण्डमार्कको रुपमा रहेको सो हिमालमा नेपालको राष्ट्रिय झण्डाको आकृति प्रक्षेपण गराईँदा त्यहाँ रहेका नेपाली पनि हर्षविभोर भएका थिए । त्यस क्रममा कार्यक्रम आयोजकले नेपाल र स्वीट्जरल्याण्ड बीच दशकौं अघिदेखिको मित्रबत सम्बन्धका सेतुहरु पनि प्रष्ट्याएका थिए । स्वीट्जरल्याण्डमा हालसम्म कोरनाका कारण १५ सय ९३ जनाले ज्यान गुमाएका छन् भने २८ हजार ८ सय ९४ जना संक्रमित बनेका छन् ।



Comment from facebook



थप खबर पढ्नुहोस्
भुसको आगोझै फैलँदै कोरोना : तत्काल ‘एक्सन’ नलिए अवस्था भयाबह बन्ने चेतावनी भुसको आगोझै फैलँदै कोरोना : तत्काल ‘एक्सन’ नलिए अवस्था भयाबह बन्ने चेतावनी

२०२६ पुष १७ गते बिहिबार

१४ अप्रिल, २०२१काठमाडौं । पछिल्ला केही दिनयता काठमाडौंलगायत देशका...

टर्की–सिरिया भूकम्प : मृतकको संख्या ३६ हजार नाघ्यो टर्की–सिरिया भूकम्प : मृतकको संख्या ३६ हजार नाघ्यो

२०२६ पुष १७ गते बिहिबार

१३ फेब्रुअरी, २०२३इस्तानबुल । टर्की र सिरियामा गतसाता गएको...

कोरोनाको दोश्रो लहरको जोखिम : अबदेखि सार्वजनिक यातयातमा  माक्स अनिवार्य कोरोनाको दोश्रो लहरको जोखिम : अबदेखि सार्वजनिक यातयातमा माक्स अनिवार्य

२०२६ पुष १७ गते बिहिबार

२६ मार्च, २०२१काठमाडौं । सरकारले काठमाडौंलगायत देशभर सञ्चालन हुने...

दिल्लीको मुख्यमन्त्रीमा तेश्रो पटकपनि केजरीवालनै दिल्लीको मुख्यमन्त्रीमा तेश्रो पटकपनि केजरीवालनै

२०२६ पुष १७ गते बिहिबार

१६ फेब्रुअरी, २०२० नयाँदिल्ली । नयाँदिल्लीले तेश्रोपटक पनि अरविन्द...

Top