७ तस्वीरमा हेर्नुस्, साउथ वेस्टर्नको विज्ञान प्रदर्शनी (फोटोफिचर)

Best Khabar Team | २०७७ जेठ २० गते मंगलबार

०६ फेब्रुअरी, २०२०
काठमाडौं । काठमाडौंको बसुन्धरामा रहेको साउथ वेस्टर्न कलेजले हरेक वर्ष झै यो वर्षपछि विज्ञान प्रदर्शनी आयोजना गरेको छ । शनिबारसम्म चल्ने प्रदर्शनीमा राजधानीका आधादर्जन बढी क्याम्पसका विद्यार्थीहरुले आविष्कार गरेको विभिन्न खाले बैज्ञानिक उपकरण तथा नविनतम प्रविधिहरु राखिएका छन् ।

अमेरिकन दुतावास, राजधानीका विभिन्न क्याम्पस, स्कुललगायतको गरी प्रदर्शनीमा ५ दर्जन बढी स्टलहरु राखिएका छन् । प्रदर्शनीको उद्घाटन गर्दै उपप्रधानमन्त्री ईश्वर पोखरेलले अहिलेको आधुनिक युगमा शिक्षामा बैज्ञानिकीकरण हुनुपर्ने भन्दै समय अनुसारको सीप र प्रविधबाट विद्यार्थीहरुलाई अध्ययन अध्यापन गराउनुपर्नेमा जोड दिए । कार्यक्रममा अमेरिकन दुतावासका प्रवक्ता आन्द्रिया डि आरमेन्टले नेपालको शिक्षा क्षेत्रको विकासका लागि अमेरिकी सरकार सँधै तयार रहेको बताए ।

प्रदर्शनीमा विद्यार्थीहरुले हेलिकोप्टर, भोटिङ मेसिनलगायतका नविनतम प्रविधिहरु प्रदर्शनीमा राखेका छन् । साउथ वेस्टर्न कलेज स्थापना भएपछिको यो दशौं विज्ञान प्रदर्शनी हो । उपत्यकाका विभिन्न स्कुल तथा क्याम्पसका विद्यार्थीहरुको सृजनालाई एकैठाउँमा राखेर प्रदर्शनी गरिँदा विद्यार्थीमा सकारात्मक भावनाको विकास हुने र थप केही गरौं भन्ने प्रेरणा जगाउने भएकाले प्रर्दशनी गरिएको क्याम्पसका उप–प्रमुख हरिसिंह केसीले बेष्टखबर डटकमलाई जानकारी दिए ।

७ तस्वीरमा हेर्नोस् साउथ वेस्टर्न को विज्ञान प्रविधिसम्बन्धी प्रदर्शनी ।