असारे झरीले भत्कियो काठमाडौंको सदरखोर

Best Khabar Team | २०२६ पुष १७ गते बिहिबार

२० जुन, २०२०
काठमाडौं । निरन्तरको बर्षाको कारण काठमाडौंको डिल्लीबजारमा रहेको सदरखोर (कारागारको) पुरानो भवनको गाह्रो भत्किएको छ । प्रहरीले दिएको जानकारी अनुसार डिल्लीबजारस्थित कारागारको पुरानो भवन गएराति करिब १० बजेतिर भत्किएको हो । घटनामा सो क्षेत्रमा कुनै मानवीय क्षति भएको छैन ।

**गएराति भवन भत्किएपछि सो क्षेत्रमा जम्मा भएका सर्वसाधारण ।**

यस्तै सो कारागारामा रहेका कैदीबन्दीहरु पनि सुरक्षित रहेका छन् । भवनको गाह्रो भत्किएर सँगै रहेको विजुलीको ट्रान्समिटर समेत पड्किएको बताइएको छ । सो भवनमा पूर्व डिआईडी रञ्जन कोइराला, रेशम चौधरीलगायत ६ सय १२ जना कैदी बन्दीहरुलाई राखिँदै आइएको छ । पुरानो भवनको गाह्रो भत्किएपनि कैदीबन्दीहरु बस्दै आएको कोठलाई भने त्यसले कुनै असर गरेको छैन । घटनालगत्तै प्रहरीले सो क्षेत्रमा भत्किएको भवनको ढुंगाहरु तहलगाउने काम अघि बढाएको छ ।

भवन भत्किएपछि त्यसका केही संरचनाहरु सडकमा समेत खसेर केही बेर सडक अवरुद्ध बनेको थियो । तर सडक विभागले भत्किएका संरचनाका ईँटा तथा माटो त्यहाँबाट हटाएपछि मध्यरातदेखि नै सडक सूचारु भएको छ । भत्किएको भवन रहेको सो क्षेत्रमा भने कैदीबन्दीहरुलाई राखिएको थिएन । उनीहरु सो स्थानबाट केही पर नै राखिँदै आइएको थियो ।