भारतबाट ट्रकमा रौतहट फर्केका युवकमा कोरोना संक्रमण, वीरगञ्जमा उपचार चल्दै

Best Khabar Team | २०७७ बैशाख १ गते सोमबार

१३ अप्रिल, २०२०
संग्रामपुर । गत चैत्र १६ गते भारतको राजधानी दिल्लीबाट नेपाल आएका एक युवकमा कोरोना संक्रमण देखिएको छ । रौतहटको इसनाथ गाउँपालिका बस्ने १९ वर्षका नाम उल्लेख नगरिएका ती युवकमा कोरोनाको संक्रमण पुष्टि भएको स्वास्थ्य मन्त्रालयले जनाएको छ ।

रोजगारीको लागि दिल्ली पुगेका ती युवक भारतमा कोरोनाको संक्रमण बढ्दै गएपछि दिल्लीबाट मोतिहारी जिल्लासम्म औषधी बोकेको ट्रकमा लिफ्ट मागेर आएका थिए । त्यसपछि उनी हिडेरै मध्यरातमा भारतीय सिमावर्ती क्षेत्रबाट नेपाल प्रवेश गरेका थिए ।

उनीसँगै आएका अरु दुई जना पनि हालसम्म क्वारेन्टाइनमा रहेको भएपनि उनीहरुमा भने कोरोना देखिएको छैन । ती युवकलाई थप उपचारका लागि हाल वीरगञ्जस्थित नारायणी उपक्षेत्रीय अस्पतालको आइसोलेसनमा राखेर उपचार थालिएको छ । उनमा कोरोना देखिएपछि परिवारका सबै सदस्यलाई क्वारेन्टाइनमा राखेर उपचार थालिएको छ । यो सँगै नेपालमा कोरोना संक्रमितको संख्या १२ पुगेको छ ।

Comment from facebook