नेपाल भ्रमण वर्ष २०२० : बेल्जियमकी राजकुमारी नेपाल जाँदै

Best Khabar Team | २०७६ माघ २ गते बिहिबार

ब्रसेल्स । एकसाता लामो नेपाल बसाईका लागि बेल्जियमकी राजकुमारी जनवरी १९ मा नेपाल प्रस्तान गर्दैछिन् । राजकुमारी एस्टिङ्ग आगामी जनवरी २५ तारिख नेपाल भ्रमण पुरा गरी बेल्जियम फर्कने छिन् । परराष्ट्रस्रोतका अनुसार नेपाल भ्रमणवर्ष शुरुभएलगत्तै नेपाल जान लागेकी उनी पहिलो उच्च पदस्थ कुटनीतिज्ञ हुन् ।

नेपालका कैलाली, कञ्चनुपुर, नवरपरासी, चितवन, पोखरालगायतका क्षेत्रमा राजकुमारीले घुमघाम गर्ने कार्यक्रम रहको परराष्ट्र स्रोतले जानकारी दिएको छ । कैलालीमा निर्माण भएको क्षयरोग केन्द्रको उद्घाटन कार्यक्रमको प्रमुख आतिथ्यता उनले गर्ने भएकी छन् । काठमाडौंमा रहँदा राष्ट्रपति विद्यादेवी भण्डारी, प्रधानमन्त्री केपी शर्मा वलीलगायतसँग उनले भेटवार्ता गर्ने कार्यक्रम रहेको छ ।

बेल्जियमले नेपालका स्वाथ्य, शिक्षालगायत विभिन्न क्षेत्रमा सहयोग गर्दै आइरहेको छ । यस्तै बेल्जियममा पनि करिब १० हजार नेपालीहरुको बसोबास रहेको छ ।