पशुपतिनाथको ५६ वर्षयताको सम्पत्ति सार्वजनिक, ९ किलो सुन, सवा एक अर्ब नगद

Best Khabar Team | २०७६ बैशाख २३ गते सोमबार

०५ जुन, २०१९
काठमाडौं । हिन्दुहरुको आरध्यदेव श्री पशुपतिनाथको सम्पत्ति सार्वजनिक गरिएको छ । झण्डै ६ दशकयता पशुपतिनाथको सम्पत्ति सार्वजनिक गरिएको हो । पशुपति क्षेत्रविकास कोषले आज पत्रकार सम्मेलन गरी सम्पत्ति सार्वजनिक गरेको हो ।

यद्यपि पशुपतिनाथको मन्दिरको मूल ढुकुटीको विवरण भने गोप्य नै राखिएको छ । क्षेत्रविकास कोषले सार्वजनिक गरिएको सम्पत्ति विवरण अनुसार पशुपतिनाथको ढुकुटीमा ९ किलो सुन र ३ सय १६ किलो चाँदी रहेको उल्लेख छ ।

पशुपतिनाथको मूल मन्दिर र आसपासको क्षेत्र । तस्वीर साभार : विकिपिडिया डटकम

यस्तै, १८ हजार रोपनी जमिन र अक्षय कोषमा १ अर्ब २९ करोड नगद रुपैयाँ मौज्जास्द रहेको उल्लेख छ । यद्यपि साता वर्षअघि सर्वोच्च अदालतले गरेको फैसलाका कारण मूल ढुकुटी भने खोलिएको छैन ।