काठमाडौंको कालोपुलमा श्रीमानले श्रीमतीमाथि तेजाव आक्रमण, आक्रमणकारी पक्राउ

Best Khabar Team | २०२६ पुष १७ गते बिहिबार

१५ मे, २०१९
काठमाडौं । काठमाडौंको कालोपुलमा श्रीमानले श्रीमतीको अनुहारमा एसिड प्रहार गरेका छन् । घरायसी झगडाको विषयले उग्ररुप लिँदा काभ्रेको धुलीखेल स्थायी घर भएका विष्णु भुजेलले श्रीमती जेनी खड्काको अनुहारमा एसिड छ्यापेका हुन् । घटना बुधबार साँझको हो । बोतलमा एसिड भरेर ल्याएका भुजेलले जेनीको टाउकोमा खन्याइदिएका थिए। घाइते खड्काको हाल कीर्तिपुर अस्पतालमा उपचार भै रहेको छ ।

**आक्रमणकारी भुजेल र माथि एडिसले जलेको खड्काको हात ।**

लामो समयदेखि श्रीमान् श्रीमतीबीचको विवादका कारण श्रीमती खड्का श्रीमान्बाट अलगै बस्दै आएकी थिएन् । तर भुजेलले भने आफूसँगै बस्न श्रीमतीलाई दबाब दिएका थिए । तर श्रीमतीले नमानेपछि उनले मदिरा सेवन गरी श्रीमतीमाथि तेजाव खन्याएका हुन् । घटनामा संलग्न भुजेललाई प्रहरीले काठमाडौंको काँडाघारीाबट नियन्त्रणमा लिएको छ ।

उनीहरु ६ वर्षअघि विवाह बन्धनमा बाँधिएका थिए । विवादकै कारण एक छोरालाई पनि
श्रीमान्बाट अलगै बस्दै आएकी खड्काले सँगै लिएर बसेकी थिएन् । खड्काको टाउको र हात जलेको छ । भुजेलले भने श्रीमती आफूसँग बस्न नमान्नुको कारण परपुरुषसँग अनैतिक सम्बन्ध रहेको आरोप लगाएका छन् । प्रहरीले घटनाको अनुसन्धान गरिरहेको छ ।