कतारबाट काठमाडौं आएकोे चार्टर विमानमा ४३ यात्रु, २० वटा शव !

Best Khabar Team | २०२६ पुष १७ गते बिहिबार


१९ जुन, २०२०
काठमाडौं । कतारको राजधानी दोहाबाट काठमाडौं आएको एउटा चार्टर विमानमा ४३ जना यात्रु रहेका थिए । उनीहरुलाई लिएर आएको सो विमानले विभिन्न समयमा कतारमा ज्यान जुमाएका २० जनाको शव समेत ल्याएको विमानस्थलस्रोतले जानकारी दिएको छ । विगत ३ महिनादेखिको लकडाउनका कारण कतारका विभिन्न शहरमा रोजगारीका क्रममा पुगेर ज्यान गुमाएकाहरुको शव ल्याउन समस्या भएको थियो ।

कार्यस्थल तथा अन्य विभिन्न ठाउँमा विभिन्न कारणले ज्यान गुमाएकाहरुको शव आज महिनौंपछि काठमाडौं आइपुगेको हो । विभिन्न रोगले थलिएर अस्पतालमै मृत्युबरण गर्न पुगेका तथा दुर्घटनालगायतका विभिन्न कारणले ज्यान गुमाएकामध्ये २० जनाको शव आज कतार एयरवेजको चार्टर उडानले काठमाडौं ल्याएको हो । विदेशमा ज्यान गुमाउनेहरुको शव नेपाल ल्याउन विभिन्न प्रक्रिया पुरा गर्नुपर्नेहुन्छ । कतिपय अवस्थामा शवलाई नेपाल ल्याउन आवश्यक रकमको जोहो गर्न नसक्दा महिनौंसम्म शव विदेशी अस्पतालको शव गृहमा थन्कने गरेका छन् । सामान्य तथा विदेशमा मृत्युहुनेहरुको शव ल्याउनका लागि सबै प्रक्रिया पुरा गरेर नेपाल ल्याउन एक देखि दुई महिनासम्म लाग्ने गर्दछ ।

फाइल तस्वीर ।

तर पछिल्लो पटक कोरोना संक्रमणका कारण भएको लकडाउनका कारण हवाई उडान बन्द हुँदा विगतमा प्रक्रिया पुरा गरेर नेपाल ल्याउन सकिने अवस्थामा रहेका शवहरुलाई पनि ल्याउन सकिएको थिएन । सोही कारण यसबीचमा जम्मा भएका २० वटा शव लिएर कतार एयरवेजको विमान आज बिहान काठमाडौंमा अवतरण गरेको हो ।

सो विमानले वैदेशिक रोजगारीका लागि कतार पुगेका ४३ जना नेपालीहरुलाई पनि उद्दार गरेर ल्याएको थियो । बैदेशिक रोजगारीका लागि खाडी राष्ट्र पुगेका नेपाली कामदारहरुमध्ये वर्षेनी सयौंले विभिन्न कारणले ज्यान गुमाउने गरेका छन् । आजै कुवेतबाट आएको विमानले २ वटा र साउदी अरेवियाबाट आएको अर्को चार्टर विमानले एउटा शव ल्याएको बताइएको छ ।



Comment from facebook



थप खबर पढ्नुहोस्
पूर्वप्रधानमन्त्री डा. बाबुराम भट्टराई विरुद्ध साइबर अपराधको उजुरी पूर्वप्रधानमन्त्री डा. बाबुराम भट्टराई विरुद्ध साइबर अपराधको उजुरी

२०७७ श्रावण २१ गते बुधबार

०८ मे, २०२०काठमाडौं । पूर्वप्रधानमन्त्री डा. बाबुराम भट्टराईसहित ३...

अमेरिकी पत्रकारको नेपाल सरकारलाई सुझाव अमेरिकी पत्रकारको नेपाल सरकारलाई सुझाव

२०७६ भाद्र २६ गते बिहिबार

०९ डिसेम्बर, २०१९ वासिङ्टन डिसी । क्रिस्टोफर फाउण्डेशनको नेपाल...

आममाफी पाएका १५० नेपालीलाई कुवेत सरकारले गरिदियो नि:शुल्क उद्दार आममाफी पाएका १५० नेपालीलाई कुवेत सरकारले गरिदियो नि:शुल्क उद्दार

२०२६ पुष १७ गते बिहिबार

१८ जुन २०२०कुवेत सिटी । रोजगारीका लागि कुवेत आएका...

धादिङ्गे गायक पारसको ‘जन्मदिनको शुभकामना’ बजारमा धादिङ्गे गायक पारसको ‘जन्मदिनको शुभकामना’ बजारमा

२०७६ फाल्गुन १९ गते सोमबार

०३ फेब्रुअरी, २०२० काठमाडौं । धादिङ् जिल्लाको त्रिपुरासुन्दरी गाउँपालिकास्थित...

Top