Best Khabar Team | २०७६ फाल्गुन १७ गते शनिबार

२९ फ्रेब्रुअरी, २०२०
काठमाडौं । विश्वव्यापीरुपमा प्रकोप बन्दै गएको कोरोना भाइरसको संक्रमणबाट नेपाललाई जोगाउन सरकाले विशेष सावधानी अपनाउने निर्णय गरेको छ । प्रधानमन्त्री केपी शर्मा ओलीको सरकारी निवास बालुवाटारमा आज सरोकारवालाहरुबीच भएको छलफलमा मध्य एसिया र युरोपमा समेत महामारीको रुपमा फैलँदै गएको कोरोना भाइरसको संक्रमण नेपालमा फैलन नदिन भारत र चीनको सिमा नाका तथा काठमाडौं विमानस्थलमा विशेष सर्तकता अपनाउने सहमति भएको छ ।
यसका लागि सरकारले रक्षामन्त्री ईश्वर पोखरेलको संयोजकत्वमा गृह, पर्यटन, स्वास्थ्य, अर्थ, शिक्षालगायतका मन्त्रीसम्मिलित समिति गठन गरेको छ । समितिले नेपालसँग हवाई उडान जोडिएका देशमा कोरोनाको अवस्था बुझ्ने र त्यसअनुसार हवाई उडान तत्कालका लागि बन्द गर्ने वा नगर्ने भन्ने विषय टुंगो लगाउने भएको छ । समितिलाई कोरोनाको रोकथाम र पूर्व तयारीका लागि आवश्यक पर्ने औषधी, उपकरणलगायत यथेष्ट मात्रामा स्टक राख्न पनि बैठकले निर्देशन दिएको छ । यसअघि पर्यटनमन्त्रीले नेपाललाई कोरोनामुक्त देशको रुपमा घोषणा गरेको भएपनि विश्वस्वास्थ्य संगठनले नेपाल कोरोनाको जोखिममा रहेको भन्दै आवश्यक पूर्व तयारी गर्न नेपालको ध्यानाकर्षण गराएको थियो ।
नेपालमा हालसम एकजनामा कोरोनाको संक्रमण देखिएको भएपनि उपचार पछि उनी घर फर्किसकेका छन् । त्यसपछि नेपालमा अहिलेसम्म कोरोना संक्रमण भेटिएका छैनन् । तर कोरोनाको उद्गम थलो चीनसँग जोडिएको नेपालमा दैनिक चीनहुँदै सयौं नागरिकहरु हवाईमार्गबाट नेपाल आउने गरेका कारण नेपाल जोखिममै छ । यस्तै भारतबाट पनि सयौंको संख्यामा विदेशी पर्यटक तथा नागरिकहरु दैनिकरुपमा नेपाल आउजाउ गर्ने गरेका कारण यो रोगको संक्रमणको हिसावले नेपाल जोखिमपूर्ण देशको रुपमा रहेको छ ।
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
झण्डै ६५ दिन अन्तरिक्षमा बिताएर सकुशल पृथ्वीमा फर्किए दुई अमेरिकी अन्तरिक्ष यात्री
२०७७ श्रावण १९ गते सोमबार
०३ अगस्ट, २०२०न्यूर्योक, अमेरिका । २ महिना लामो अन्तरिक्षको...
नेपालको तेश्रो राष्ट्रपति बने रामचन्द्र पौडेल, सोमबारबाट पदभार सम्हाल्दै
२०७९ फाल्गुन २६ गते शुक्रबार
१० मार्च, २०२३ काठमाडौं । मुलुकले तेश्रो राष्ट्रपति पाएको...
कोरोनाको करिब ७ महिने ताण्डव : विश्वभर ज्यान गुमाउनेको संख्या ६ लाख नाघ्यो (बढी प्रभावित विश्वका १० देशको तथ्यांक सहित)
२०७७ श्रावण ३ गते शनिबार
१८ जुलाई, २०२०काठमाडौं । गएको डिसेम्बर तेश्रो साता चीनको...
विश्वको सर्वोच्च शिखर सगरमाथाको उचाई बढ्यो
२०७७ मंशिर २३ गते मंगलबार
०८ डिसेम्बर २०२०काठमाडौं । सोलुखुम्बु जिल्लामा अवस्थित विश्वको सर्वोच्च...
Top