नेपालको तेश्रो राष्ट्रपति बने रामचन्द्र पौडेल, सोमबारबाट पदभार सम्हाल्दै

Best Khabar Team | २०७९ फाल्गुन २६ गते शुक्रबार

१० मार्च, २०२३ काठमाडौं । मुलुकले तेश्रो राष्ट्रपति पाएको छ । विभिन्न ९ दलबीच भएको गठबन्धनको तर्फबाट उम्मेद्वार बनेका नेपाली काँग्रेसका बरिष्ठ नेता रामचन्द्र पौडेल बिहीबार भएको राष्ट्रपति निर्वाचनको परिणाम अनुसार राष्ट्रपतिमा निर्वाचित भएका हुन् । उनले नेपाल कम्युनिष्ट पार्टीका तर्फबाट उम्मेद्वार बनेका सुवासचन्द्र नेम्वाङ्गलाई भारी मतले पराजित गर्दै राष्ट्रपतिमा निर्वाचित भएका हुन् ।

राष्ट्रपति निर्वाचनमा पौडेलले प्रतिद्वन्द्वी एमाले उम्मेद्वार सुवास नेम्वाङ्गलाई १८ हजार २ सय ८४ मतान्तरले पराजित गराएका हुन् । पौडेल ३२ हजार ८ सय २ मत पाएसँगै नेपालको तेश्रो राष्ट्रपति बनेका हुन् । यसअघि २ कार्यकालसम्म एमालेकै तर्फबाट विद्यादेवी भण्डारी राष्ट्रपति बनेकी थिइन् । उनको दोश्रो कार्यकाल आगामी आइतबारबाट सकिँदैछ । मुलुकमा संघीय गणतन्त्र स्थापना भएसँगै पहिलोपटक नेपाली काँग्रेका नेता एवं पूर्वस्वास्थ्यमन्त्री रामबरण यादव मुलुकको पहिलो राष्ट्रपति बनेका थिए । नवनिर्वाचित राष्ट्रपति पौडेलले सोमबार एक औपचारिक कार्यक्रमकाबीच राष्ट्रपतिको पदभार सम्हाल्ने छन् ।

को हुन् रामचन्द्र पौडेल ?
२००१ साल असोजमा तनहुँमा जन्मिएका पौडेल २०१७ देखि सक्रियरुपमा राजनीतिमा लागेका थिए तत्कालीन राजा महेन्द्रले विश्वेश्वरप्रसाद कोइरालालाई जेल हालेपछि त्यसको विरुद्दमा आफू राजनीतिमा होमिएको पौडेले बताउँछन् । त्यसको लगत्तै २०१८ सालमा नेपाली काँग्रेसले गरेको क्रान्तिमा होमिएका पौडेल २०२७ सालमा स्थापना भएको नेपाल विद्यार्थी संघको केन्द्रीय सदस्य बनेका थिए । यस्तै, ०३३ सालमा बीपी कोइराला भारतको निर्वासन जीवनबाट फर्किएलगत्तै उनीसँगै राजनीतिक बाटोमा अघि बढे ।

त्यसयता उनले नेपाली काँग्रेस पार्टीभित्र रहेर सक्रिय रुपमा भूमिका निर्वाह गर्दै आए । फलस्वरुप उनी २०४४ सालबाट काँग्रेसको केन्द्रीय सदस्य बनेसँगै प्रजातन्त्रको पुर्नस्थापना पछि २०४८ मा भएको चुनावमा तनुहँको क्षेत्रनम्बर १ बाट निर्वाचित भएका थिए । २०५१ सालको मध्यावधि चुनावमा तनहुँ २ चुनाव जितेसँगै ५ वर्ष सभामुखको जिम्मेवारीमा रहेका थिए । यस्तै २०५६ सालमा तनहुँ २ बाट चुनाव जितेकासँगै त्यसको १ वर्षपछि उनी २०५७ सालमा उपप्रधानमन्त्री, गृह तथा सञ्चारमन्त्रीकोको भूमिका रहेका थिए ।

०६२–०६३ को जनआन्दोलन पछि बनेको सरकारमा उनी शान्ति तथा पुननिर्माणमन्त्रीको रुपमा रहेका थिए । २०६७ साउनबाट शुरु भएको प्रधानमन्त्री चुनावी दौरानमा १७ पटक पराजित बनेका थिए । त्यसपछि उनले केही समय नेपाली काँग्रेसको कार्यबाहक सभापतिको जिम्मेवारी सम्हालेका थिए । १३ औं महाधिवेशनमा उनी शेरबहादुर देउवासँग पराजित बनेका थिए । उनले राजनीतिक जिवनमा पटक पटक गरी १५ वर्ष जेल सजाय जीवन कटाएका छन् । उनी काँग्रेस भित्र सादगी तथा त्यागी नेताको रुपमा चिनिन्छन् ।

Comment from facebook