Best Khabar Team | २०७७ श्रावण १७ गते शनिबार

---

– पि.एल. तरंग
०१ अगस्ट, २०२०
विगत ८ महिनादेखि विश्वभरी फैलिएको कोरोना भाइरसको प्रकोपका कारण विश्वभरका पर्यटकीय गतिविधि तथा अन्य दैनिक जनजीवन त प्रभावित भएको छ नै यसले विभिन्न धर्म र सम्प्रदायका मानिसले मनाउने गरेका चाड पर्वमा समेत नराम्रो असर छाडेको छ । विश्वभर महामारी बन्दै गएको कोरोना भाइरस फैलनुको मुख्य कारण मानिसहरुको भीडभाड र भेला नै भएको निष्कर्षसहित विश्व स्वास्थ्य संगठनले सामाजिक दुरी कायम गर्न र आवश्यक सुरक्षा सावधानी अपनाउन यसअघि नै सबैलाई आग्रह गरिरहेको छ ।

यो महामारीका बीच हजारौं मानिस भेला भएर मनाईने धर्म र सांस्कृतिक महत्व बोकेका कतिपय चाडपर्व तथा धर्म विशेषका विशेष दिनहरु सामान्य हिसावले मनाउन थालिएको छ । काठमाडौं उपत्यकालगायत नेपालभर मनाईने विभिन्न खालका जात्रा र पर्वपनि विगत ६ महिनादेखि पूर्ववत रुपमा मनाउन र सञ्चालनमा आउन सकेका छैनन् । यस्तैमा आज मुस्लिम धर्मावलम्बीहरुको दोश्रो महान चाड बकर इद परेको छ । इदुल जोहा नामले समेत चिनिने यो पर्व यति यसअघिका वर्षहरुमा हुन्थ्यो भने निक्कै धुमधामका साथ मनाईँथ्यो ।

तर मुस्लिमहरुको बाहुल्यता रहेको पाकिस्तान, अफगानिस्तान, भारतलगायत दक्षिण एसियाका अधिकांश राष्ट्र तथा विश्वभर नै कोरोनाको कहरका कारण ती देशमा बस्ने मुस्लिम धर्मावलम्बीले यो चाडलाई घरभित्रै बसेर मनाउन बाध्य छन् । देशभरका मस्दिजहरुमा निश्चित संख्यामा मात्रै अनुयायी भेला हुन र बाँकीलाई घरभित्रै बसेर मनाउन यसअघि नै मुस्लिम आयोगले निर्देशन जारी गरिसकेको छ । मस्जिदमा गएर मनाउन नपाएपनि उनीहरुले आजबिहानै देखि घर तथा घर नजिकै रहेको खोला र नदीमा गएर स्नान गरी नजिकैको मस्जिद वा इदगाहको विकल्पमा घरमै बसेर नमाज पढेर यो पर्व मनाई रहेका छन् ।

हिजरी संवत्अनुसार १४३९ वर्ष पहिले अल्लाहको आदेशमा इब्राहिमले आफ्ना छोरा इस्माएल अलेह सलामलाई बलिदान गर्न तयार भएको सम्झनामा यो पर्व मनाउन थालिएको किंबदन्ती रहेको छ । आजका दिन मक्का मदिनामा गएर यो पर्व मनाउनु अत्यन्त राम्रो हुने विश्वस रहि आएको छ ।

विगतमा झै यो वर्ष एक आपसमा अंकमाल गर्ने अवस्था नभएकोले उनीहरुले एक आपसमा आआफ्नै ढंगले शुभकामना व्यक्त गरिरहेका छन् । हिजरी संवत्अनुसार १४३९ वर्ष पहिले अल्लाहको आदेशमा इब्राहिमले आफ्ना छोरा इस्माएल अलेह सलामलाई बलिदान गर्न तयार भएको सम्झनामा यो पर्व मनाउन थालिएको किंबदन्ती रहेको छ । आजका दिन मक्का मदिनामा गएर यो पर्व मनाउनु अत्यन्त राम्रो हुने विश्वस रहि आएको छ ।

तर अहिले बह्य उडान बन्द रहेको अवस्थामा तत्का विदेश जान सक्ने अवस्था नरहेको आयोगको भनाई छ । यो वर्ष मक्का मदिना जान नपाएका हजयात्रीले समेत घर घरमै बकर इद मनाउँदै छन् । आजको दिन अल्लाहलाई खुशी पार्न मुसलमानले धर्मले जायज मानेका जनावरलाई कुर्बानी (बली) चलाउने प्रचलन रहेको छ

---

Comment from facebook