अमेरिकी भिषा एप्लाई गर्दा अब फेसबुक तथा इमेल एकाउन्टसमेतको विवरण बुझाउनुपर्ने

Best Khabar Team | २०७५ फाल्गुन २२ गते बुधबार

०३ जुन २०१९
न्युयोर्क । अमेरिकाले आफ्नो देशमा भिजिट भिसामा आउन चाहने विदेशी नागरिकहरुका लागि नयाँ नियम लागू गरेको छ । यही जुन १ देखि लागू भएको नयाँ दिनम अनुसार अब अमेरिकी भिषा आवेदन दिने नागरिकले उसको व्यक्तिगत इमेल, बैंक एकाउन्ट, सामाजिक सञ्जाल फेसबुकलगायतको विवरणहरु सम्बन्धित देशको दुतावासमा अनिवार्य रुपमा बुझाउनुपर्ने व्यवस्था गरेको छ ।

यो नियम काम गर्न जाने वा अध्ययनका लागि जानेहरुको हकमा समेत लागुहुने अमरिकी विदेश मन्त्रालयले जनाएको छ । अमेरिकी राष्ट्रपति डोनाल्ड ट्रम्पले सन् २०१८ को शुरुमै यो नियम लागू गरेको भएपनि यसलाई अहिले आएर कार्यन्वयन गरेको हो । देश भ्रमण गर्ने नागरिकहरुको सुरक्षाका लागि यो नियम लागू गरिएको अमेरिकी विदेश मन्त्रालयले जानकारी दिएको छ । आवेदकले सामाजिक सञ्जालमा भएका नाम र पाँच वर्षदेखि प्रयोग गरेका इमेल ठेगाना एवम् फोन नम्बर बुझाउनुपर्नेछ।

यसअघि आतंकवादी समूहहरू भएका ठाउँबाट जाने मानिसहरूले थप जाँचबुझका लागि त्यस्ता विवरण बुझाउनुपर्ने नियम भएपनि अब विश्वका जुनसुकै देशका नागरिकहरुले पनि अमेरिकी भिषा एप्लाई गर्दा यी विरणहरु बुझाउनुपर्ने भएको छ