hi himalaya nepal

बुहानका नेपाली राति ३ बजे काठमाडौं आइपुग्ने

Best Khabar Team | २०७६ फाल्गुन ३ गते शनिबार


वुहानबाट नेपाल फर्किन बस कुरिरहेका नेपाली : फोटोः अशोक साहको ट्विटर

१५ फेब्रुअरी, २०२०
काठमाडौं । कोरोना भाइरस अर्थात् (कोभिड १९) को उद्गम थलोको रुपमा परिचित चीनको बुहान प्रान्तमा थुनिएका करिब १ सय ९० जना विद्यार्थीहरुको उद्दार करिब १ महिना पछि आज हुन लागेको छ । बुहान प्रान्तमा झण्डै महिनादेखि घरभित्रै थुनिएका नेपालीहरुलाई लिनको लागि नेपाली ध्वजाबाहक नेपाल बायुसेवा निगमको विमान दिउँसो ३ बजे बुहानका लागि उड्दैछ । कोरोनाको उद्गम थलोमा चीन सरकारले आवातजावतमा प्रतिबन्ध लगाएपछि अहिले उनीहरु घरभित्रै थुनिएका हुन् ।

नेपाल बायुसेवा निगमका क्याप्टेन विजय लामाले सो विमान लिएर चीनका विद्यार्थीको उद्दारका लागि जाने जानकारी प्राप्त भएपनि यसको औपचारिक पुष्टि भने भै सकेको छैन । उद्दार गरिएका विद्यार्थीहरु राति ३ बजे काठमाडौंको त्रिभुवन विमानस्थलमा आइपुगेलगत्तै उनीहरुलाई विशेष सावधानीका साथ भक्तपुरको खरिपाटीस्थित विद्यु्त् प्राधिकरणको तालिम केन्द्रमा राखिनेछन् । उनीहरुलाई त्यहाँ १५ दिनसम्म ‘अब्जरभेजन’का लागि राखिने र त्यसपछि मात्रै उनीहरुलाई त्यहाँबाट बाहिर निकाल्ने वा ननिकाल्ने भन्ने विषयमा निर्णय लिन सकिने बताइएको छ ।

विशेषगरी उनीहरुमा कोरोना भाइरसको संक्रमण देखियो भने उनीहरुलाई त्यही राखेर थप उपचार गरिने छ भने कोरोना प्रमाणित नभएमा उनीहरुलाई त्यहाबाट प्रक्रिया पुरा गरी डिस्चार्ज गरिने छ । सरकारले चौतर्फी दबाबका बाबजुत चीनको बुहानमा फसेका नेपाली विद्यार्थीलाई बुहानबाट १ महिनापछि उद्दार गर्न लागेको हो । स्मरणीय के छ भने कोभिड १९ को प्रकोपले हालसम्म चीनको बुहानमा मात्रै १३ सय जनाको ज्यान गै सकेको छ ।

भक्तपुरको खरिपाटीमा कम्तीमा २ साता क्वारेन्टाइनमा राखेर विद्यार्थीहरुलाई विशेषज्ञ चिकित्सकले रामोसँग चेकजाँच गर्नेछन् । यदि विद्यार्थीमा कुनै समस्या देखियो भने उनीहरुको थप उपचार हुने बताइएको छ । सरकारले चीनको बुहान प्रान्तबाट आउने नेपाली, उनीहरुलाई लिन जाने नेपाली चिकित्सक तथा विमानका चालक, सहचालकलगायतलाई पनि क्वारेन्टाईनमा राखेर उपचार गर्ने जनाएको छ । उनीहरुलाई कोठाबाट विमानस्थलसम्म आउनका लागि चीन स्थित नेपाली दुतावासले बस पठाएको छ ।



Comment from facebook



थप खबर पढ्नुहोस्
चीनमा कोराना भाइरसबाट ज्यान गुमाउनेको संख्या ३६१ पुग्यो चीनमा कोराना भाइरसबाट ज्यान गुमाउनेको संख्या ३६१ पुग्यो

२०७६ माघ २० गते सोमबार

०३ फेब्रुअरी, २०२०बेइजिङ्ग । कोरोना भाइरसको उद्गम थलोको रुपमा...

न्यायको गुहार माग्दै गंगामाया पुगिन् राष्ट्रसंघको कार्यालयमा न्यायको गुहार माग्दै गंगामाया पुगिन् राष्ट्रसंघको कार्यालयमा

२०७६ माघ २१ गते मंगलबार

०४ फेब्रुअरी, ललितपुर । सशस्त्र युद्धका बेला आफ्ना छोरालाई...

कोरोना भाइरसको प्रकोप : अप्रिल १५ सम्मका लागि पोर्चुगल र स्पेनबीचको सबै नाका बन्द कोरोना भाइरसको प्रकोप : अप्रिल १५ सम्मका लागि पोर्चुगल र स्पेनबीचको सबै नाका बन्द

२०७६ चैत्र ३ गते सोमबार

१६ मार्च, २०२०मड्रिड । युरोपेली मुलुक पोर्चुगलले छिमेकी मुलुक...

पक्रने तयारी गर्दैगर्दा एसएसपी राणाद्वारा ‘आत्मसमर्पण’ पक्रने तयारी गर्दैगर्दा एसएसपी राणाद्वारा ‘आत्मसमर्पण’

२०७६ माघ १९ गते आइतबार

०२ फेब्रुअरी, २०२० धरान । प्रहरी संगठनमै कार्यरत एक...

Top