काठमाडौंमा ४ स्वास्थ्यकर्मीसहित थप २८८ जनामा कोरोना संक्रमण, संक्रमितको संख्या २१ सय नजिक

Best Khabar Team | २०७७ जेठ २० गते मंगलबार

०२ जुन, २०२०
काठमाडौै । काठमाडौंको सिनामंगलमा रहेको काठमाडौं मेडिकल कलेजका ४ जना स्वास्थ्यकर्मीसहित थप २ सय ८८ जनामा कोारेना संक्रमण देखिएको छ । स्वास्थ्य मन्त्रालयले दिएको जानकारी अनुसार पछिल्लो २४ घण्टा यता थप २ सय ८८ जनामा कोरोना देखिएको हो । ती मध्ये ४ जना काठमाडौंमा कार्यरत स्वास्थ्यकर्मी रहेको बताइएको छ । उनीहरुलाई अहिले आइसोलेसनमा राखेर उपचार थालिएको छ । जसमा तीन महिला र एक पुरुष स्वास्थ्यकर्मी रहेको मन्त्रालयको भनाई छ ।

यस्तै चिकित्सकको सम्पर्कमा रहेकाहरुको स्वाब परीक्षण थालिएको बताइएको छ । स्वास्थ्य मन्त्रालयले दिएको जानकारी अनुसार देशका ३ दर्जन बढी जिल्लामा कोरोनाका थप संक्रमित भेटिएका हुन् । अब देशभर कोरोना संक्रमितको संख्या २ हजार ९९ पुगेको छ । मन्त्रालयले दिएको जानकारी अनुसार देशका निम्न जिल्लामा निम्न संख्यामा नयाँ संक्रमित फेला परेका छन् ।

• दाङमा १७ जना
• प्युठानमा १ जना
• कञ्चनपुरमा ८ जना
• कैलालीमा १० जना
• धनुषामा ६ जना
• महोत्तरीमा २ जना
• रौटहटमा ३६ जना
• सर्लाहीमा २१ जना
• सिरहामा १७ जना
• भक्तपुरका १ जना
• धादिङका १ जना
• कपिलवस्तुमा १६ जना
• नवलपरासी पूर्वका १ जना
• नवलपरासी पश्चिमका १ जना
• नुवाकोटका २ जना
• रुपन्देहीमा १० जना
• रौटहटका ३८ जना
• स्याङ्जाका ५ जना
• झापाका ५ जना
• सप्तरीका १ जना
• बर्दियाका ३ जना
• बाँकेका १७ जना
• सुर्खेतमा २७ जना
• दैलेखका ९ जना
• सल्यानका १८ जना
• अछामका १० जना
• बाराका १ जना
• काठमाडौंको मेडिकल कलेजका ४ जना चिकित्सक

हालसम्म २ सय ६६ जनाको उपचार सफल भएको छ भने ८ जनाको कोरोना संक्रमणकै कारण निधन भै सकेको छ । पछिल्लो केही सातायता भारतबाट नेपाल आउने नेपालीको संख्या बढ्दै जाँदा कोरोना संक्रमितको संख्या पनि ह्वात्तै बढेको छ ।

Comment from facebook