काठमाडौं उपत्यकाभित्र २४ घण्टामा थपिए ४१५ संक्रमित

Best Khabar Team | २०७७ भाद्र १२ गते शुक्रबार

२८ अगस्ट, २०२०
काठमाडौं । काठमाडौं उपत्यकाभित्र पर्ने तीन जिल्लामा पछिल्लो २४ घण्टामा थप ४ सय १५ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा दिएको जानकारी अनुसार काठमाडौंमा ३ सय ५० जना ललितपुरमा ११ जना र भक्तपुरमा ५४ जनामा कोरोना संक्रमण देखिएको हो ।

पछिल्लो २४ घण्टामा देशभर कुल ९ सय २७ जनामा कोरोना संक्रमण पुष्टि भएको छ । योसँगै देशभर संक्रमितको संख्या ३६ हजार ४ सय ५६ पुगेको छ । यस्तै हालसम्म २० हजार २ सय ४२ जना उपचारपछि घर फर्केका छन् भने १ सय ९५ जनाको कोरोनाका कारण निधन भएको मन्त्रालयले जनाएको छ ।

कोरोना भाइरसको जोखिमलाई मध्यनजर गर्दै काठमाडौं उपत्यकामा भदौ १७ गतेसम्म सरकारले उपत्यकामा निषेधित क्षेत्र घोषणा गरेको छ ।

Comment from facebook