Best Khabar Team | २०७५ फाल्गुन २२ गते बुधबार
०३ जुन, २०१८
काठमाडौं । सरकारद्वारा प्रतिबन्धित नेत्रविक्रम चन्द नेतृत्वको नेपाल कम्युनिष्ट पार्टीका कार्यकर्ताले गएराति सोलुखुम्बुको विकटस्थानमा रहेको चौकी कब्जाको असफल प्रयास गरेका छन् । प्राप्त जानकारी अनुसार विकट सोलुखुम्बुको महाकुलुङ्ग गाउँपालिकास्थित छेस्काममा रहेको प्रहरी चौकी कब्जा गरी हतियार नियन्त्रणको प्रयास गरेपनि उनीहरुको प्रयास विफल भएको छ ।
विप्लवसमूहका कार्यकर्ता आउने सूचना पाएपछि प्रहरीले तत्कालै हतियार अन्यत्र लुकाएको थियो । नेकपाका करिब ३० जनाको समूहले मध्यरातमा चौकीलाई घेराहाली हतियार नियन्त्रणको प्रयास गरेपनि चौकीमा हतियार तथा प्रहरी नभेटिएपछि उनीहरु त्यतिकै फर्केका थिए । घटनालगत्तै अहिले सो स्थानमा सेना तथा प्रहरीको टोली हेलिकोप्टरबाट पुगेको छ । स्रोतका अनुसार विप्लव समूहका कार्यकर्ताहरु चौकी कब्जा गर्ने तथा हतियार नियन्त्रणमा लिने सोचका साथ त्यहाँ पुगेका थिए ।
त्यस क्रममा प्रहरी तथा हतियार त्यहाँ भएको भए ठूलो दुर्घटना हुने सम्भावना थियो । तर तत्कालका लागि त्यो टरेको छ । प्रहरी चौकीमा नेकपाका कार्यकर्ता आक्रमणमा आउने सूचना पाएको प्रहरीले केन्द्रमा खबर गरेपछि थप मद्दत्त लिएर जिल्ला प्रहरी कार्यालय सोलुखुम्बुका प्रमुख डीएसपी शालिकराम शर्मासहितको टोली घटनास्थलमा पुगेका छन् । नेकपाका कार्यकर्ताहरुले सो क्षेत्रमा विद्युत र दुरसञ्चार अवरुद्ध भएको मौका छोपेर सो आक्रमणको प्रयास गरेका थिए ।
सो समयमा त्यस क्षेत्रमा विद्युत् तथा सञ्चार सेवा अवरुद्ध बनेको थियो । अहिले घटनास्थलमा सुरक्षाकर्मीको थप टोली पुगेर नेकपाका कार्यकर्ताहरुको खोजीकार्य तीब्र बनाएको छ । यस्तै, प्रदेशबाट हेलिकोप्टरमा सेना र प्रहरीको टोली समेत घटनास्थलमा पुगेर अहिले नेकपाका कार्यकर्ताहरुको खोजी कार्य जारी रहेको छ । सो प्रहरी चौकीमा ७ जना सुरक्षाकर्मी हतियारसहित सुरक्षित स्थानमा गएर लुकेका कारण सम्भावित भिडन्त टरेको छ ।
२०२६ पुष १७ गते बिहिबार
२९ मार्च, २०२१काठमाडौं । कोरोना भाइरस विरुद्ध लडन्का लागि...
२०७७ जेठ २३ गते शुक्रबार
०६ मे, २०२०काठमाडौं । कोरोना भाइरसको प्रकोप नियन्त्रणका लागि...
२०७७ भाद्र २१ गते आइतबार
०९ जुन, २०२०तिलोत्तमा, रुपन्देही । रक्सीको नशामा रुपन्देहीमा एकजना...
२०७६ माघ १८ गते शनिबार
०२ जनवरी, २०२० लेकसाईट । कास्की जिल्लाको पोखरालगायतका स्थानमा...
Top