सोलुखुम्बुमा विप्लव समूहले गरे प्रहरी चौकी कब्जाको असफल प्रयास

Best Khabar Team | २०७५ फाल्गुन २२ गते बुधबार


०३ जुन, २०१८
काठमाडौं । सरकारद्वारा प्रतिबन्धित नेत्रविक्रम चन्द नेतृत्वको नेपाल कम्युनिष्ट पार्टीका कार्यकर्ताले गएराति सोलुखुम्बुको विकटस्थानमा रहेको चौकी कब्जाको असफल प्रयास गरेका छन् । प्राप्त जानकारी अनुसार विकट सोलुखुम्बुको महाकुलुङ्ग गाउँपालिकास्थित छेस्काममा रहेको प्रहरी चौकी कब्जा गरी हतियार नियन्त्रणको प्रयास गरेपनि उनीहरुको प्रयास विफल भएको छ ।

विप्लवसमूहका कार्यकर्ता आउने सूचना पाएपछि प्रहरीले तत्कालै हतियार अन्यत्र लुकाएको थियो । नेकपाका करिब ३० जनाको समूहले मध्यरातमा चौकीलाई घेराहाली हतियार नियन्त्रणको प्रयास गरेपनि चौकीमा हतियार तथा प्रहरी नभेटिएपछि उनीहरु त्यतिकै फर्केका थिए । घटनालगत्तै अहिले सो स्थानमा सेना तथा प्रहरीको टोली हेलिकोप्टरबाट पुगेको छ । स्रोतका अनुसार विप्लव समूहका कार्यकर्ताहरु चौकी कब्जा गर्ने तथा हतियार नियन्त्रणमा लिने सोचका साथ त्यहाँ पुगेका थिए ।

सोलुखुम्बको महाकुलुङ्ग गाउँपालिका नजिकै विप्लव समूहले कब्जा प्रयास भएको चौकी

त्यस क्रममा प्रहरी तथा हतियार त्यहाँ भएको भए ठूलो दुर्घटना हुने सम्भावना थियो । तर तत्कालका लागि त्यो टरेको छ । प्रहरी चौकीमा नेकपाका कार्यकर्ता आक्रमणमा आउने सूचना पाएको प्रहरीले केन्द्रमा खबर गरेपछि थप मद्दत्त लिएर जिल्ला प्रहरी कार्यालय सोलुखुम्बुका प्रमुख डीएसपी शालिकराम शर्मासहितको टोली घटनास्थलमा पुगेका छन् । नेकपाका कार्यकर्ताहरुले सो क्षेत्रमा विद्युत र दुरसञ्चार अवरुद्ध भएको मौका छोपेर सो आक्रमणको प्रयास गरेका थिए ।

सो समयमा त्यस क्षेत्रमा विद्युत् तथा सञ्चार सेवा अवरुद्ध बनेको थियो । अहिले घटनास्थलमा सुरक्षाकर्मीको थप टोली पुगेर नेकपाका कार्यकर्ताहरुको खोजीकार्य तीब्र बनाएको छ । यस्तै, प्रदेशबाट हेलिकोप्टरमा सेना र प्रहरीको टोली समेत घटनास्थलमा पुगेर अहिले नेकपाका कार्यकर्ताहरुको खोजी कार्य जारी रहेको छ । सो प्रहरी चौकीमा ७ जना सुरक्षाकर्मी हतियारसहित सुरक्षित स्थानमा गएर लुकेका कारण सम्भावित भिडन्त टरेको छ ।



Comment from facebook



थप खबर पढ्नुहोस्
पोखरामा उपचाररत स्याङ्जाका एक पुरुषको कोरोना संक्रमणबाट मृत्यु पोखरामा उपचाररत स्याङ्जाका एक पुरुषको कोरोना संक्रमणबाट मृत्यु

२०२६ पुष १७ गते बिहिबार

२५ जुन, २०२०लेकसाइड, पोखरा । स्याङ्जाको सिरुबारी घर भएका...

अमेरिकामा यहुदी धर्मगुरुको घरमा छुराकाण्ड : ५ घाइते अमेरिकामा यहुदी धर्मगुरुको घरमा छुराकाण्ड : ५ घाइते

२०२६ पुष १७ गते बिहिबार

२९ डिसेम्बर, २०१९ न्यूयोर्क । अमेरिकाको न्यूयोर्कमा रहेका यहुदी...

कोरोना संक्रमण बढ्दै गर्दा काठमाडौं जिल्लामा दर्जनौं गतिविधि भदौ १५ सम्मलाई निषेध(विज्ञप्तिसहित) कोरोना संक्रमण बढ्दै गर्दा काठमाडौं जिल्लामा दर्जनौं गतिविधि भदौ १५ सम्मलाई निषेध(विज्ञप्तिसहित)

२०२६ पुष १७ गते बिहिबार

१४ अगस्ट, २०२०काठमाडौं । पछिल्ला दिनमा काठमाडौं उपत्यकामा कोरोना...

रसिया कारोना संक्रमितको सूचीमा विश्वकै दोश्रो नम्बरमा उक्लियो रसिया कारोना संक्रमितको सूचीमा विश्वकै दोश्रो नम्बरमा उक्लियो

२०२६ पुष १७ गते बिहिबार

१७ मे, २०२०मस्को । युरोप र अमेरिकी राष्ट्रहरुमा कोरोनाले...

Top