यातयात व्यवस्था विभाग बुटबलका तत्कालीन प्रमुख र प्रहरी इन्स्पेक्टर विरुद्ध भ्रष्टाचार मुद्दा

Best Khabar Team | २०७६ पुष ११ गते शुक्रबार

२७ डिसेम्बर, २०१९
गोलपार्क । सवारीसाधनको ट्रायल फेल भएका परिक्षार्थीलाई घुस लिएर पास गराएको अभियोगमा अख्तियार दुरूपयोग अनुसन्धान अयोगले बुटबलस्थित तत्कालीन यातयात कार्यालयका प्रमुख र प्रहरी निरीक्षणविरुद्ध आज मुद्दा दायर गरेको छ । विशेष गरी मोटरसाइकल, हलुका सवारी साधन तथा हेवी गाडीहरुको ट्रायल परीक्षामा फेल भएका परिक्षार्थीबाट मोटो रकम घुुस लिएर उनीहरुलाई लाइन्सेन्स दिएको आरोपमा अख्तियारले उनीहरुविरुद्ध मुद्दा दायर गरेको जनाएको छ ।

यसरी मुद्दा दायर गरिएकाहरुमा तत्कालीन यातयात कार्यालय प्रमुख आनन्द केशरी पोखरेल र तत्कालीन पश्चिम क्षेत्रीय ट्राफिक प्रहरी कार्यालय, रुपन्देहीका इन्स्पेक्टर रविन्द्र श्रेष्ठ रहेका छन् । करिब ७१ जना परीक्षार्थीहरु फेल हुँदासमेत उनीहरुले घुस लिएर उनीहरुलाई पास बनाएको र लाइसेन्स दिएको आरोप पोखरेल र श्रेष्ठमाथि लगाइएको छ ।

पक्राउ परेका दुबैलाई कैद सजायाँ र नगद जरिवानाको माग दावी गरिएको छ । यसैबीच काठमाडौंको थानकोटस्थित चन्द्रगिरी, सुकेधारा र भक्तपुरको राधेराधेलगायतका स्थानमा पनि लाइन्सेन्स परीक्षामा अनियमितता हुने गरेको सूचना अख्तियारलाई प्राप्त भएको अख्तियार स्रोतको दाबी छ ।

Comment from facebook