विश्वभर ‘कोरोना’ को संत्रास, डाक्टरसहित ३८ जनाको ज्यान गयो (लक्षण र सावधानीसहित)

Best Khabar Team | २०२६ पुष १७ गते बिहिबार

२५ जनवरी, २०२०
काठमाडौं । पछिल्लो समयमा नेपाललगायत विश्वका विभिन्न देशमा व्यापक रुपमा फैलिरहेको कोरोना भाईरसले अहिले थप संत्रास उत्पन्न गराएको छ । नेपालमा समेत यो रोगबाट पीडित एक युवक राजधानीको शुक्रराज सरुवा रोग केन्द्रमा उपचाररथ छन् । यो भाईरसकै कारण अहिलेसम्म विश्वमा करिब ४ दर्जन जनाको ज्यान गै सकेको छ ।

सन् २००३ मा चीनको बुहान प्रान्तबाट फैलिएको रोगका कारण सो प्रान्तमा मात्रै अहिलेसम्म ३८ जनाको ज्यान गै सकेको छ । अझ अचम्मको कुरा त के छ भने चीनमा कोरोना रोगको उपचारमा संलग्न एक चिकित्सकको समेत उपचारको क्रममा निधन भएको छ । ६२ वर्षका ती चिकित्सक चीनको स्थानीय हुबेई सिन्ह्‍वा अस्पतालमा कार्यरत थिए । शुरुमा रुघाखोकी लाग्ने र कडा ज्वरो आउने लक्षय यो रोगको प्रमुख लक्षण हो ।

यो रोग हाल युरोपका केही देशमा समेत देखाएपछि त्यहाँको सरकारहरुले उच्च सुरक्षा सतर्कता अपनाउन नागरिकहरुलाई आग्रह गरिरहेका छन् । यो रोगको अहिलेसम्म औषधी पत्ता लागेको छैन । पशुबाट मानिसमा सर्ने विश्वास गरिएको यो रोग हावामा फैलिने सबैभन्दा घातक रोग हो । यो रोग लागेमा, कडा ज्वरो आउने, श्वास–प्रश्वासमा अत्यधिक समस्या हुने, रुघाखोकी लाग्ने, समयमै उपचार नभए मिर्गौला फेल भै मानिसको मृत्यु समेत हुने गरेको छ ।

यो रोगबाट बच्नका लागि नियमित रुपमा सावुन पानीले हात हुन, रोगको संक्रमण देखिए जस्तो लागेमा चिकित्सकसित परामर्श दिन, जंगली तथा घरेलु पशुपंक्षीहरुसँग जोगिन, खोक्दा हाँच्छ्यिु गर्दा नाक र मुख छोप्ने, माछामासु खाँदा छाला निकालेर राम्रोसँग पकाएरमात्रै खान चिकित्सकहरुले सुझाव दिएका छन् ।

रोगलाई मध्यनजर गर्दै अहिले विश्वभरका विमानस्थलगयातका स्थानमा कडा सुरक्षा सतर्कता अपनाउन समेत आग्रह गरेको छ । अमेरिकामा पनि यो रोगको भाईरस संक्रमित एक पुरुषको अस्पतालमा उपचार भै रहेको छ ।