सबै ‘अबैतानिक महावाणिज्यदूत’को सेवा सुविधा खोसियो

Best Khabar Team | २०७६ चैत्र २६ गते बुधबार

०८ अप्रिल, २०२०
काठमाडौं । सरकारले नेपालस्थित सबै कूटनीतिक नियोगका अबैतनिक महावाणिज्य दूतको सेवा सुविधा तत्कालका लागि खोस्ने निर्णय गरेको हो । हिजो मात्रै कोरोना नियन्त्रणका लागि आवश्यक पर्ने मेडिकल सामग्रीको अबैध धन्दामा संलग्न शंकर ग्रुपका सञ्चालक सुलभ अग्रवाल काठमाडौंमा पक्राउ परेसँगै सरकारले यो निर्णय गरेको हो ।

कीर्गिजस्तानका लागि अवैतनिक महावाणिज्य दूत रहेका अग्रवाल महंगो मुल्यमा थर्मल प्लान्ट बेच्न लागेको अवस्थामा प्रहरीले कूटनीतिक नियोगको गाडीसहित पक्राउ गरेसँगै उनको कालो कर्तुत खुलेको थियो । परराष्ट्र मन्त्रालयका अनुसार तत्कालका लागि नेपालस्थित विभिन्न देशका अबैतानिक महावाणिज्य दूतले प्राप्त गर्दै आएको सेवा सुविधा तत्कालका लागि फिर्ता गर्ने निर्णय गरेको हो ।

अबैतानिक दूतका हैसियतमा उनीहरुले उपयोग गरिरहेको सेवा सुविधा दुरुपयोग भएको ठहर सहित सरकारले यो निर्णय गरेको हो । यो निर्णयसँगै अब सबै देशका नेपालस्थितमहावाणिज्य दूतहरूलाई प्रदान गर्दै आएको सुविधा रोकिएको छ । मन्त्रालयले जारी गरेको विज्ञप्ति अनुसार कुटनीतिक प्रयोगको लागि प्रदान गरिएको पद र सुविधा गैरकानुनी गतिविधिमा प्रयोग गरेको पाइएपछि तत्कालका लागि महावाणिज्य दूतहरुको सेवा र सुविधा फिर्ता लिने निर्णय गरिएको हो ।

जसमा कुटनीतिक नियोगका पदाधिकारीले प्रयोग गर्ने निलो नम्बर प्लेटको सवारी साधनसमेत प्रयोग गर्न नपाइने भएको छ ।