पुनः बैवाहिक जीवनमा बाधिँदै नायिका श्वेता खड्का

Best Khabar Team | २०७६ माघ २९ गते बुधबार

०२ डिसेम्बर, २०२०
काठमाडौं । विवाह गरेको केही समयपछि नै पति बियोगको सामना गरेकी नेपाली चलचित्र क्षेत्रकी नायिक श्वेता खड्काले पुनः नयाँ बैवाहिक जीवन शुरु गर्न लागेकी छन् । नायक श्रीकृष्ण श्रेष्ठसँग गत २०७१ साल असारको अन्तिम साता विवाह बन्धनमा बाधिएकी नायिका खड्काका श्रीमान् श्रीकृष्णको विवाहको करिब १ महिनापछि नै निधन भएको थियो ।

**नायिका स्वेता खड्काको फाइल तस्वीर : साभार इन्टरनेट ।**

श्रीकृष्णको उपचारका क्रममा २०७१ साल साउन २५ गते भारतमा निधन भएको थियो । उनले अहिले सुदुरपश्चिमको धनगढी घर भएका विजयेन्द्रसिंह राठौरसँग लगन गाँठो कस्ने तयारी गरेको उनको आफन्तहरुले बताएका छन् । विजयन्त्रको परिवार धनगढीमा मनोरञ्जन पार्क सञ्चालन गर्दै आएका छन् । यही मंसीर २२ गतेका लागि उनीहरुको विवाहको मिति तय भएको छ। विजयन्द्र उमेरले स्वेता भन्दा कान्छो रहेको बताइन्छ ।

काठमाडौंको गोकर्णमा रहेको एउटा पाँच तारे होटलमा उनीहरुको विवाह गर्ने स्थान तय भएको बताइएको छ । स्वेताले केही समयअघि आमा खुवाउने औंसीको दिन सामाजिक सञ्जालमा विजयन्द्रकी आमाको तस्वीर राख्दै उनलाई शुभकामना दिएपछि उनीहरुको सम्बन्धको बारेमा चर्चा परिचर्चा हुन थालेको थियो । ‘कहाँ भेटिएला’ नामक चलचित्रबाट उनले नेपाली चलचित्र क्षेत्रमा आफ्नो पाइला अघि बढाएकी थिइन् ।