Best Khabar Team | २०७७ जेठ १३ गते मंगलबार

२६ मे, २०२०
न्यूर्योक । कोरोना भाइरस (कोभिड १९) को संक्रमणबाट विश्व भर ३ लाख ५९ हजार ३ सय जनाले ज्यान गुमाउँदा अमेरिकामा मात्रै यो रोगको प्रकोपबाट हालसम्म १ लाख भन्दा बढीको मृत्यु भै सकेको छ । कोरोना भाइरसको प्रभावबारे विश्वव्यापी तथ्यांक अद्यावधिक गर्ने ओल्डोमिटर डटकमले जारी गरेको तथ्यांक अनुसार अमेरिकी समय अनुसार आज मध्यान्ह १२ बजेसम्म अमेरिकामा १ लाख ३० जना कोरोनाका कारण मृत्युबरण गर्न पुगेका छन् ।

योसँगै विश्वमा कोरोना संक्रमणबाट सबैभन्दा धेरै ज्यान गुमाउने देशहरुको सूचीमा पहिलो नम्बरमा पर्ने देश पनि अमेरिका नै भएको छ । अमेरिकामा हालसम्म विश्वमै सबैभन्दा धेरै संक्रमित अर्थात् १७ लाख १३ हजार जनामा कोरोनाको संक्रमण देखिएको छ । यस्तै हालसम्म कोरोनालाई जितेर ४ लाख ६८ हजार ६ सय ६९ जना घर फर्केका छन् ।
अमेरिकापछि कोरोनाको कारण ज्यान गुमाउने देशरुको सूचीमा क्रमश बेलायत, इटली, फ्रान्स, स्पेन, ब्राजिललगायतका देशहरु रहेका छन् । कोरोनाबाट अमेरिकाको न्यूर्योकमा सबैभन्दा धेरै मानिसको ज्यान गएको छ । न्यूर्योकमा हालसम्म कोरोनाका कारण २९ हजार ३ सय १० जनाको ज्यान गएको छ भने त्यसपछि न्यूजर्सी सबैभन्दा धेरै ज्यान गुमाउने राज्यको रुपमा रहेको छ । न्यूजर्सीमा हालसम्म ११ हजार १ सय ९२ जनाले ज्यान गुमाएका छन् ।
कोरोनाका कारण दैनिक ज्यान गुमाएको संख्या पछिल्लो हप्ता केही कम भएपनि नयाँ संक्रमितहरु देखिने क्रम भने अमेरिकामा जारी रहेको छ ।

स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
यार्सागुम्बा संकलनमा गएकी एक महिला र बालिकामाथि आक्रमण, २ को अवस्था गम्भीर
२०७६ असार १ गते आइतबार
१६ जुन, २०१९ काठमाडौं । बहुमूल्य हिमाली ‘भियग्रा’ को...
थपिए ३१४, देशभर ३७६२ जनामा संक्रमण
२०७७ जेठ २६ गते सोमबार
०८ जुन, २०२०काठमाडौं । नेपालमा विगत २४ घण्टा यता...
८ लाख ठगी गरेको भन्दै काँग्रेस सांसद पार्वताविरुद्ध काठमाडौंमा उजुरी
२०७६ माघ २१ गते मंगलबार
०४ फेब्रुअरी, २०२० काठमाडौं । आफूहरु आफ्नै प्रतिनिधिबाट ठगिएको...
कम्युनिष्ट, राज्य व्यवस्था र सर्वसत्तावाद
२०७६ फाल्गुन ७ गते बुधबार
–रामचन्द्र पौडेल अहिले कम्युनिष्ट पार्टीको दुईतिहाई नजिकको सरकार छ...
Top