Best Khabar Team | २०२६ पुष १७ गते बिहिबार

---

१६ जनवरी, २०२०
न्यूयोर्क । विगत लामो समयदेखि दुई शक्तिशाली मुलुक अमेरिका र चीनबीच जारी व्यापार युद्द नयाँ सिराबाट अघि बढ्ने भएको छ । अमेरिकी राष्ट्रपति डोनाल्ड ट्रम्प र चिनियाँ उपप्रधानमन्त्री लिउ हेबीच हिजो नयाँ व्यापार सम्झौता भएसँगै दुईदेशबीचको व्यापार युद्द विस्तारै कम हुने संकेत देखिएको छ ।

अमेरिका र चीनबीच सन् २०१८ को जुलाईदेखि व्यापार युद्द शुरु भएको थियो जसका कारण दुबै देशले एक अर्काको सामान आयत गर्दा दोब्बरसम्म कर थप गरेका थिए । यद्यपि नयाँ सम्झौतामा यो कर हटाउने विषयमा सहमति भएको छैन ।

अमेरिकी राष्ट्रपति डोनाल्ड ट्रम्प र चिनियाँ प्रमुख व्यापार वार्ताकार लिउबीचको नयाँ सहमतिले दुईदेशले एक अर्काका सामान आयात निर्यातमा थप विस्तारै सहजता थप्ने विश्वास गरिएको छ । नयाँ सहमति अनुसार चिनले अमेरिकाको उर्जा, उत्पादन, कृषि सामग्री र थप सेवा शिर्षकमा आयत गर्ने भएको छ ।

यस्तै अमेरिकाले पनि चिनबाट प्रविधि, उर्जा, कृषिजन्य सामग्रीलगायतका बस्तुको आयात गर्ने भएको छ । विगत १८ महिना अघिदेखि जारी चीन र अमेरिकाबीचको व्यापारिक तनावकै बीचको यो सहमतिको सकारात्मक प्रभाव देखिन थालिसकेको छ ।

---

Comment from facebook