अमेरिकामा कोरोनाको ताण्डब : साढे ३ महिनामा ८५ हजार बढीको मृत्यु, संक्रमितको संख्या १४ लाख ३२ नाघ्यो

Best Khabar Team | २०२६ पुष १७ गते बिहिबार

१४ मे, २०२० सुनिल तिवारी– न्यूर्योक । कोरोना भाइरसको संक्रमणबाट विश्वमा सबैभन्दा प्रभावित बनेको मुलुक अमेरिकामा यो समाचार तयार पार्दासम्म ८५ हजार भन्दा बढी नागरिकले ज्यान गुमाई सकेका छन् । विश्वमा कोरोनाका कारण करिब ३ लाख मानिसको ज्यान गैसक्दा अमेरिकामा मात्रै ज्यान गुमाउनेको संख्या ८५ हजार नाघेको हो ।

बेस्टखबर डटकमले यो समाचार सामग्री पोस्ट गर्ने बेलासम्म अमेरिकामा कोरोनाका कारण ८५ हजार २ सय ६८ जनाको ज्यान गै सकेको छ । यद्यपि अमेरिकामा कोरोना संक्रमणमा परी निको हुनेको संख्या पनि उल्लेख्य रहेको छ । हालसम्म अमेरिकामा कोरोना संक्रमितमध्ये ३ लाख १० हजार ३ सय ८३ जनाको उपचार सफल भएको छ । अहिलेपनि अमेरिकामा १६ हजारभन्दा बढी गम्भीर अवस्थामा उपचार गराईरहेका छन् ।

गत फेब्रुअरी २९ मा अमेरिकामा कोरोनाका कारण पहिलो पटक एकजनाको ज्यान गएको थियो । त्यसपछिको करिब साढे ३ महिनाको समयमा ८५ हजार भन्दा बढीले ज्यान गुमाएसँगै अमेरिकामा विश्वको सबैभन्दा धेरै कोरोना प्रभावित देशको सूचीमा पहिलो नम्बरमा रहेको छ । अमेरिकामा कोरोनाको प्रकोप सबैभन्दा धेरै न्यूर्योकमा देखिएको छ । कोरोनाले न्यूर्योकमा हालसम्म २७ हजार २ सय ९० जनाको ज्यान गै सकेको छ ।

न्यूर्योकपछि न्यूजर्सी, इलिनोइस, मासाचुत्तेस, क्यालिफोर्निया, पेन्सिलभेनिया, मिचिगन, टेक्सासलगायतका राज्यहरु नराम्ररी प्रभावित बनेको छ । आजमात्रै अमेरिकाको जर्जिया राज्यमा ३ सय ६६ जना नयाँ संक्रमित फेला परेका छन् । यस्तै भर्जिनियाँमा १ हजार ६७ जना नयाँ संक्रमित भेटिएका छन् । अमेरिकामा पूर्णरुपमा लकडाउन गरिएको छैन । त्यसका कारण पनि संक्रमितहरुको संख्या थपिएको हुनसक्ने अनुमान गरिएको छ ।