झुण्डिएको अवस्थामा कर्मचारीको शव भेटिएपछि अस्पताल तोडफोड

Best Khabar Team | २०२६ पुष १७ गते बिहिबार

१७ जुन, २०१८
काठमाडौं । अस्पतालमा कार्यरत एक महिलाको शव अस्पतालभित्रै झुण्डिएको अवस्थामा भेटिएपछि आक्रोशित आफन्त तथा सहकर्मीहरुले अस्पताल तोडेफोड गरेका छन्् । घटना राजधानीको बौद्धस्थित समता अस्पतालको हो ।

अस्पतालमा केही महिनाअघिदेखि कार्यरत सिन्धुपाल्चोककी विमला तामाङ्को शव अस्पताल हाताभित्रै झुण्डिएको अवस्थामा भेटिएपछि आक्रोशित आफन्तले अस्पतालमा तोडफोड गरेका हुन् । उनीहरुले विमलाको हत्या भएको आरोप लगाएर मृतकका परिवारलाई राहत तथा दोषी पत्तालगाई कारबाही गर्न माग गर्दै अस्पतालमा तोडफोड र नाराबाजी समेत गरिरहेका छन् । तर अस्पताल प्रशासनले भने विमलाको आत्महत्याको विषयमा छानबिन गर्ने जनाएको छ ।

Image result for samata hospital — अस्पताल परिसर

आक्रोशित आफन्तले अहिले नाराबाजी र तोडफोड जारी राखेपछि बौद्ध प्रहरीको टोली घटनास्थल पुगेको छ । घटनाको विषय र समाधानका लागि अहिले स्थानीय प्रहरी, अस्पताल प्रशासन तथा पीडित पक्षबीच वार्ताको तयारी भै रहेको छ ।

केहीदिन अघि काठमाडौंकै चावहिलस्थित ओम अस्पतालमा पनि उपचारको क्रममा एक विरामीको मृत्यु भएपछि आक्रोशित आफन्तले अस्पताल तोडफोड गरेका थिए ।