Best Khabar Team | २०२६ पुष १७ गते बिहिबार

---

२२ अप्रिल, २०२०
काठमाडौं । नेपाल सरकारका पूर्व सचिव भीम उपाध्यायलाई प्रहरीले पक्राउ गरेको छ । सामाजिक सञ्जालमा विभिन्न समयमा अफवाह फैलाएको आरोपमा प्रहरीले उपाध्ययलाई आज साँझ ललितपुरबाट नियन्त्रणमा लिएको हो । हाल उनलाई जावलाखेल प्रहरी परिसारमा राखिएको प्रहरी स्रोतको दाबी छ । पछिल्ला केही सातायता उपाध्यायले फेसबुकमार्फत् विभिन्न खाले सामाजिक अफवाह फैलाएको प्रहरीको आरोप छ ।

पछिल्लो समयमा उनले रुकुमका दुई जनामा कोरोना संक्रमण देखिएको भन्दै सामाजिक सञ्जालमा पोष्ट गरेका थिए । रुकुममा हालसम्म कोही पनि कोरोना संक्रमित नभेटिएको भन्दै उनको फेसबुक स्टाटसले समाजमा आतंक फैलाएको भन्दै पक्राउ गरिएको जनाएको छ ।

उनले पछिल्ला केही सातायता सामाजिक सञ्जाललाई सरकारलाई गाली बेइज्यती गर्ने थलोको रुपमा विकास गरेको भन्दै उनलाई पक्रन गृह मन्त्रालयले निर्देशन दिएको थियो । उनलाई सामाजिक सञ्जाल दुरुपयोग गरेको भन्दै ‘साइबर क्राईम’ अन्र्तगत कारबाही गर्ने तयारी भएको बुझिएको छ ।

---

Comment from facebook